O 44,6 % dos alumnos de Cataluña acaba a ESO sen apenas saber escribir en inglés. Así se recolle na última avaliación externa que fai a Generalitat para coñecer a evolución do alumnado de 4º da ESO e o funcionamento de sistema.

Fonte: Te Interesa

A prensa en lingua catalá dispón xa da súa primeira plataforma dixital de difusión coa posta en marcha de iQuiosc.cat. O lector pode consultar máis de 150 publicacións, ás que se incorporarán outros diarios, xornais comarcais e revistas ata acadar «medio milleiro» de cabeceiras, segundo Lluís Gendrau, presidente da Asociación de Publicacións Periódicas en Catalán.

Fonte: El Periódico

O Departamento de Cultura organizou diversos actos en Tarragona con motivo da celebración de San Jordi. Entre as actividades, hainas destinadas á cidadanía en xeral, aos nenos e tamén ás persoas que se atopan e hospitais e residencias.

Fonte: Generalitat de Cataluña

A nova canle de televisión, El Punt Avui TV, comezou as súas emisións regulares. A canle televisiva actualmente cobre o 50 % do territorio xeográfico, pero se pode ver no 80 % do país e no futuro incrementará a cobertura.

Fonte: Generalitat de Cataluña

Os novos estudantes que entren na Universidade de Barcelona o próximo curso non poderán escoller certas combinacións, dado que se decidiu limitar a oferta a catro idiomas maioritarios europeos e un en clara expansión: inglés, alemán, español, francés e ruso. Da oferta caen o italiano e o portugués, entre outros. Isto afecta tanto á carreira de Lingüística, como á de Linguas e Literaturas Modernas.

Fonte: El País

O Tribunal Superior de Xustiza de Cataluña (TSJC) ratificou que o castelán debe ser o idioma vehicular nas escolas catalás nunha cota do 25 % se un alumno o pide, sen que sexa suficiente o ensino individualizado ao estudante nesa lingua.

Fonte: Heraldo de Aragón

O Departamento de Cultura da Generalitat de Cataluña ofrece, a través da base de datos da prensa da Dirección Xeral de Política Lingüística, a consulta en liña de 100 000 noticias e artigos xornalísticos sobre a lingua catalá publicados en medios impresos e dixitais desde o ano 2000 á actualidade.

Fonte: Generalitat de Cataluña

A Fundación puntCAT, a entidade privada que xestiona o dominio .cat, entregou os galardóns da cuarta edición de Webs al punt .cat, un concurso que invita aos estudantes de territorios de fala catalá de ESO, Bacharelato e Ciclos formativos de grao medio ou superior a deseñar un sitio web propio en catalán dentro do seu ámbito académico.

Fonte: Generalitat de Cataluña

A Corporación de Medios Audiovisuais estrea na súa web o espazo “Bom dia”, que permite acceder a unha ampla oferta de contidos audiovisuais dos diferentes territorios de fala catalá que están dispoñibles en liña.

Fonte: Generalitat de Cataluña

A campaña ‘Al vostre servei’ (Ao voso servizo) reforzará o uso da lingua catalá na atención ao público do sector da distribución comercial. A campaña ten como obxectivo desenvolver accións de sensibilización dirixidas a profesionais que atenden o público para mellorar a calidade do servizo en catalán.

Fonte: Generalitat de Cataluña