Comunidade Valenciana
Impulsan unha iniciativa lexislativa popular para legalizar TV3 na Comunidade Valenciana e dar espazo comunicativo ao catalán
Sindicatos, partidos e asociacións impulsan unha Iniciativa Lexislativa Popular (ILP) para conseguir a legalización das emisións da canle autonómica catalá TV3 na Comunidade Valenciana e "cambiar as regras do xogo no Estado Español" para que linguas como o catalán, o galego e o éuscaro dispoñan dun espazo comunicativo definido.
Fonte: Europa Press
O Servizo de Linguas da Universidade Jaume I inicia unha nova campaña de ´Matricúlate en valenciano´
O Servizo de Linguas e Terminoloxía da Universidade Jaume I inicia unha nova campaña para promover que os estudantes elixan o profesorado que imparte clase en valenciano e a mesma opción lingüística no impreso de matrícula, así como para aumentar o uso da lingua propia.
Fonte: El Periódico Mediterráneo
Dous de cada tres secretarios xudiciais valencianos descoñecen o valenciano
Dous de cada tres secretarios xudiciais destinados nos xulgados da Comunidade Valenciana descoñecen o valenciano. E ademais, o problema é que o terzo que o domina tampouco pode utilizalo de forma habitual nos escritos porque o sistema informático implantado pola Generalitat Valenciana só está en castelán.
Fonte: Levante
Acción Cultural do País Valenciano convoca "Correllengua 2009", en favor da lingua catalá
Acción Cultural do País Valenciano, con ocasión do 9 de outubro, convocou por décimo cuarto ano consecutivo Correllengua, considerada a iniciativa non institucional máis multitudinaria en favor da lingua catalá, informan fontes desta entidade.
Fonte: ADN
O Concello de Ontinyent non lles esixirá o valenciano aos funcionarios
O Concello de Ontinyent (Valencia) aprobou a non obrigatoriedade de coñecer o valenciano para os funcionarios municipais tras concluír o período habilitado para a presentación de alegacións.
Fonte: Europa Press
A Academia Valenciana da Lingua reúne nunha obra máis de 50.000 topónimos valencianos
A Academia Valenciana da Lingua (AVL) presentou o Corpus Toponímic Valencià, unha obra en dous volumes que recolle máis de 50.000 topónimos, na que interviñeron, desde o seu inicio hai máis de dez anos, a Universidade de Valencia (UV), a Consellería de Cultura e a propia AVL.
Fonte: ADN
Escola Valenciana lanza unha campaña para promover o uso do valenciano na rúa
A plataforma Escola Valenciana puxo en marcha a campaña Parla'm en valencià (Fálame en valenciano), unha iniciativa que ten como obxectivo a promoción, desde diversos medios de comunicación, do uso do valenciano na rúa.
Fonte: Avui
A bolsa de traballo de profesores de valenciano tampouco recoñece a filoloxía catalá
O receo da Generalitat Valenciana contra a Filoloxía Catalá non só afecta ás sucesivas oposicións docentes nesta comunidade. A bolsa de traballo, que non saía desde había tres anos, tampouco admite esta titulación superior.
Fonte: Levante
A Consellería de Educación valenciana impulsa un plan para que o profesorado poida vehicular contidos en linguas estranxeiras
A Consellería de Educación valenciana puxo en marcha un Plan de formación lingüístico-técnica en linguas que abre novas vías de capacitación para que o profesorado non universitario da Comunidade Valenciana poida vehicular contidos nas linguas estranxeiras que integran o currículo valenciano.
Fonte: ADN
A Academia Valenciana da Lingua manifesta a conveniencia de incorporar o valenciano á liturxia
O bispo de Orihuela-Alicante, Rafael Palmero, e a presidenta da Academia Valenciana da Lingua (AVL) mantiveron unha reunión na sede episcopal alacantina para tratar da situación da tradución ao valenciano dos textos litúrxicos que a institución normativa realizou nos últimos anos e manifestar a conveniencia de incorporar o valenciano na liturxia das dioceses da Comunidade Valenciana.
Fonte: La Verdad
Boletín
Subscríbase ao boletín
