Comunidade Valenciana
O arcebispo de Valencia abre a porta á aprobación do misal en valenciano bloqueado desde 2002
«Estou a favor de todo o que veña ben para anunciar a Xesucristo». Con esta declaración de intencións resumiu o arcebispo de Valencia, Carlos Osoro, a súa posición sobre a posibilidade de que se celebren, oficialmente, misas en valenciano na Comunidade Valenciana.
Fonte: La Verdad
Piden que as 'agresións' ao valenciano se inclúan nun informe de dereitos humanos
Escola Valenciana presentará ante o Departamento de Estado dos EEUU unha queixa sobre o informe dos dereitos humanos por non incluír os dereitos lingüísticos dos falantes de valenciano.
Fonte: El Mundo
Unha empresa valenciana idea un novo método en liña para a aprendizaxe de idiomas
A empresa valenciana Computer Aided eLearning (CAE) creou un novo método de aprendizaxe en liña de idiomas que integra por primeira vez todas as tecnoloxías e aplicacións virtuais para este tipo de ensino nun mesmo sistema de formación continua de 24 horas ao día.
Fonte: EFE
A dirección de Canal 9 recorta as dobraxes ao catalán
A política de austeridade de Radiotelevisión Valenciana anunciada polo seu director xeral, José López Jaraba, ameaza con reducir aínda máis a presenza do catalán. Segundo López Jaraba, "para aforrar", Canal 9 recortará nun 75 % a dobraxe ao valenciano.
Fonte: Avui
Presentan unha iniciativa popular para que o valenciano sexa obrigatorio para os funcionarios
A Generalitat Valenciana xa ten un borrador para a nova Lei para a ordenación e xestión da función pública, na que non figura a obrigatoriedade de que os aspirantes a funcionarios saiban valenciano. O seu coñecemento só se terá en conta, pero non é obrigatorio. Por este motivo, case un centenar de colectivos e entidades cívicas presentaron un manifesto no que piden que no proceso de selección dos funcionarios se "acredite o coñecemento do valenciano, tanto en expresión oral como escrita".
Fonte: El País
O valenciano sitúase nas tecnoloxías dixitais de comunicación
A conselleira de Xustiza e Administracións Públicas, Paula Sánchez de León, presentou a nova rede corporativa de voz en valenciano dos terminais de telefonía fixa da Generalitat.
Fonte: ABC
O conselleiro de Educación valenciano considera “primordial” o impulso á presenza do valenciano na Administración
O conselleiro de Educación, Alejandro Font de Mora, indicou, durante o acto de presentación da tradución ao valenciano da Lei hipotecaria, que a recuperación e impulso da presenza do valenciano na Administración constitúe un “obxectivo primordial” para a Generalitat.
Fonte: El Periòdic
O Tribunal Supremo ditamina contra a exclusión de Filoloxía Catalá para acreditar o coñecemento de valenciano
A sección sétima da sala do contencioso administrativo do Tribunal Supremo (TS) rexeitou o recurso interposto pola Generalitat Valenciana contra unha sentenza do Tribunal Superior de Xustiza da Comunidade Valenciana (TSJCV) que determina a validez do título de Filoloxía Catalá para acreditar os coñecementos de valenciano en oposicións docentes.
Fonte: Europa Press
Amoestan a alcaldesa de Alacant por non responder en valenciano a un veciño que elixira esta lingua
O Síndic de Greuges (Valedor do Pobo de Valencia) lembroulle este mes nunha carta á alcaldesa de Alacant a obriga legal de "respectar os dereitos lingüísticos dos administrados" e de responderlles na lingua que estes elixisen, que é o valenciano no caso da queixa que motivou este pronunciamento.
Fonte: El País
A Consellería de Educación de Valencia aposta por potenciar o valenciano nas festas populares
A Consellería de Educación puxo en marcha a campaña de divulgación do valenciano "De festa, en valencià, naturalment" (De festa, en valenciano, naturalmente), que ten por obxecto potenciar o uso deste idioma nas festas populares.
Fonte: La Verdad
Boletín
Subscríbase ao boletín
