Navarra

Ponse en marcha unha escola en liña para familias con fillas e fillos escolarizados en éuscaro

A escola en liña ERA Eskola, impulsada por Euskarabidea e varias entidades locais navarras, está dirixida a familias cuxos fillos e fillas están escolarizados en modelos con éuscaro co obxectivo de acompañalas e ofrecerlles recursos tecnolóxicos nesta lingua. Están previstas tres sesións gratuítas que se retransmitirán en directo, vía streaming, a través de YouTube.  

Fonte: Noticias de Navarra

Navarra

Varias organizacións alertan da difícil situación do éuscaro en Navarra agravada pola crise da covid-19

Varias asociacións e sindicatos alertaron, nunha rolda de prensa en Ansoáin, sobre como a crise sanitaria provocada pola covid-19 está a repercutir negativamente no éuscaro e no seu proceso de normalización lingüística.  

Fonte: Noticias de Navarra

Navarra

O Parlamento de Navarra rexeita que o coñecemento do éuscaro se valore como mérito nas convocatorias de concurso-oposición

O Parlamento de Navarra rexeitou unha proposta para garantir que o coñecemento do éuscaro se valore como mérito nas prazas que se cubran a través de concurso e concurso-oposición.

Fonte: El Confidencial Digital

Navarra

O Goberno de Navarra crea un banco de imaxes para fomentar as interaccións orais en éuscaro entre o alumnado

O banco de imaxes, que se creou co obxectivo de promover as interaccións orais en éuscaro nos ciclos de Infantil e Primaria dos modelos educativos A e D, está xa a disposición do profesorado para a súa utilización na aula. Os 210 debuxos son obra de Mikel Santos ‘Belatz’ e divídense en diferentes temáticas: emocións, rutinas diarias, deporte, música, alimentación, animais, oficios, medios de transporte etc.

Fonte: Gobierno de Navarra

Navarra

O Goberno de Navarra convoca unha nova edición do concurso de traballos de investigación lingüística sobre o éuscaro

Por terceiro ano consecutivo, convócase o concurso de traballos de investigación lingüística sobre o éuscaro no ámbito de Navarra, ao que se destinarán 12 000 euros. O obxectivo desta convocatoria é difundir os proxectos de campos como a lexicografía, a dialectoloxía, a toponimia e a sociolingüística.

Fonte: Noticias de Navarra

Navarra

O Concello de Pamplona abre a convocatoria municipal de axudas a proxectos de promoción do éuscaro

O Concello de Pamplona convoca subvencións para a realización de proxectos de promoción do éuscaro, unha convocatoria á que destinará 72 000 e que está dirixida a entidades e asociacións sen ánimo de lucro.

Fonte: Diario de Navarra

Navarra

O Goberno de Navarra destina axudas a persoas adultas para a aprendizaxe do éuscaro

O Goberno de Navarra, a través de Euskarabidea-Instituto Navarro do Éuscaro, vai destinar case 190 000 euros en axudas para que as persoas adultas aprendan a lingua vasca. Estas subvencións comprenden as modalidades de aprendizaxe extensiva, intensiva, en internado e autoaprendizaxe.

Fonte: Diario de Navarra

Navarra

O Goberno de Navarra pon en marcha unha campaña para sensibilizar sobre a diversidade lingüística

Co gallo da celebración o vindeiro 26 de setembro do Día Europeo das Linguas, o Goberno de Navarra puxo en marcha a campaña 'Con el plurilingüismo llegarás muy lejos'. O obxectivo desta iniciativa é motivar a aprendizaxe de idiomas e sensibilizar sobre a riqueza que supón a diversidade lingüística.  

Fonte: La Vanguardia

Navarra

Alumnado navarro do modelo D contará cunha nova materia optativa para facilitar o coñecemento e a transmisión da cultura vasca

Sete centros educativos do modelo D de Navarra impartirán este curso, como optativa ou como proxecto interdisciplinar, a materia 'Sormen digitala’ (Creatividade dixital), que ten como obxectivo traballar a imaxinación e a creatividade do alumnado e facilitar o coñecemento e a transmisión da cultura vasca.

Fonte: Navarra.com

Navarra

O Goberno de Navarra presenta unha campaña de fomento do éuscaro entre adultos

O Goberno de Navarra, en colaboración con entidades locais, euskaltegis e escolas oficiais de idiomas, puxo en marcha para este curso 2020-2021 a campaña "¡La próxima en euskera! / Hurrengoan euskaraz!", que ten como obxectivo promover a aprendizaxe desta lingua.

Fonte: Noticias de Navarrra

Navarra

Boletín

Subscríbase ao boletín

Logo Feder