Navarra
O municipio navarro de Cortes presentará unha declaración a prol do éuscaro
O sábado 13 de novembro realizarase en Cortes unha declaración coa que se pretende reivindicar o éuscaro como lingua propia de Navarra e denunciar a discriminación e o prexuízo que supón a zonificación para esta área.
Fonte: Plaza Nueva
O Goberno de Navarra organiza cursos de éuscaro e castelán destinados a persoas migrantes
Un total de 200 persoas migrantes asistirá aos cursos de éuscaro e castelán gratuítos organizados polo Goberno de Navarra que teñen como obxectivo converter o coñecemento do idioma nunha ferramenta de inclusión.
Fonte: Gobierno de Navarra
Euskarabidea organiza Gora Gora Fest 2021, un ciclo cultural en éuscaro con actividades dirixidas á infancia e á mocidade
Co gallo do Día Internacional do Éuscaro, Euskarabidea organiza o ciclo cultural Gora Gora Fest 2021 composto por máis de 50 actividades nesta lingua, tanto presenciais como en liña, destinadas principalmente ao público infantil e xuvenil.
Fonte: Gobierno de Navarra
O Goberno de Navarra porá en marcha medidas para incrementar o consumo de medios de comunicación en éuscaro
O borrador do II Plan estratéxico do éuscaro (2020-2027) inclúe actuacións para promover o seu uso social, entre elas, varias destinadas a aumentar o consumo de medios nesta lingua, como o incremento das axudas, fórmulas de financiamento etc.
Fonte: Diario de Navarra
O Tribunal Administrativo de Navarra anula a esixencia do coñecemento de éuscaro para varios postos do Concello de Zizur Mayor
A anulación da esixencia de coñecemento de éuscaro no cadro de persoal do Concello de Zizur Mayor afecta aos postos de secretaría, técnico de xuventude e operario de obras.
Fonte: Noticias de Navarra
O Consello Navarro do Éuscaro presenta o II Plan estratéxico do éuscaro
A conselleira de Relacións Cidadás de Navarra, Ana Ollo, e o director do Consello Navarro do Éuscaro, Mikel Arregi, presentaron o borrador do II Plan estatéxico do éuscaro que propón e reforza o amplo acordo social e político arredor desta lingua.
Fonte: Noticias de Navarra
O II Plan estratéxico do éuscaro de Navarra establece como prioridade a aprendizaxe en adultos
O Plan Reactivar Navarra / Nafarroa Suspertu recoñece o papel do éuscaro como factor de cohesión e diversidade, e establece o desenvolvemento do segundo Plan estratéxico do éuscaro, en fase de elaboración, no que se indica que deben impulsarse as medidas necesarias para a continuidade do ensino desta lingua para as persoas adultas.
Fonte: Gobierno de Navarra
Comeza a II edición de Era eskola, a escola en liña para familias de nenas e nenos escolarizados en éuscaro
Era eskola é unha escola en liña, organizada por Euskarabidea e os servizos de éuscaro das entidades locais navarras, destinada ás familias para ofrecerlles formación e recursos e sensibilizalos sobre o seu papel no proceso de aprendizaxe desta lingua das súas fillas e fillos.
Fonte: Gobierno de Navarra
Preséntaselles o borrador do segundo Plan estratéxico do éuscaro aos diferentes departamentos do Goberno de Navarra
O proxecto do segundo plan estratéxico ten como punto de partida o modelo do seu antecesor e está estruturado nos seguintes eixes: uso social do éuscaro, novos falantes, mellora nos servizos públicos da atención nesta lingua á cidadanía, reforzo do consenso social para a súa promoción e desenvolvemento do seu emprego no ámbito socioeconómico.
Fonte: Gobierno de Navarra
Comeza unha nova edición de “Sarean Euskaraz”, un programa para promover o uso do éuscaro nas TIC
Un total de 750 mozas e mozos participarán na quinta edición do proxecto “Sarean Euskaraz”, impulsado polo Goberno de Navarra para fomentar o emprego do éuscaro no ámbito das tecnoloxías da información e a comunicación, e promover a cultura dixital nesta lingua.
Fonte: Gobierno de Navarra
Boletín
Subscríbase ao boletín
