Navarra
Preséntase Punttuka, un método de aprendizaxe en éuscaro de lectoescritura en braille
O conselleiro navarro de Educación presentou Punttuka, o primeiro método de aprendizaxe de lectoescritura en éuscaro dirixido a alumnado de infantil e primaria, tanto en tinta como en braille.
Fonte: Noticias de Navarra
Tudela acolle unha concentración de máis dun centenar de persoas a prol do éuscaro
Baixo o lema “Non máis desprezo, dereitos para todos e todas”, a manifestación enmárcase na campaña que vai en contra da proposta de decreto do Goberno de Navarra para eliminar a valoración do coñecemento do éuscaro nos concursos de acceso a prazas da administración pública na zona non vascófona da comunidade.
Fonte: Plaza Nueva
Unha xornada mostrará experiencias de promoción do éuscaro no ámbito laboral de Navarra
A xornada Euskara langai, organizada polo Goberno de Navarra, ten como obxectivo fomentar o uso do éuscaro no ámbito socioeconómico e mostrar experiencias de éxito na Comunidade Foral.
Fonte: Gobierno de Navarra
O Observatorio de Dereitos Lingüísticos de Navarra recibe 1200 denuncias pola imposibilidade de recibir servizos públicos en éuscaro
Behatokia, o Observatorio de Dereitos Lingüísticos, recibiu 1200 solicitudes dirixidas ao Goberno de Navarra nas que se denuncia a imposibilidade de recibir servizos públicos en éuscaro, razón pola que se convoca unha manifestación para o 7 de maio na que se pedirá que se tomen medidas para reverter esta situación.
Fonte: Cadena SER
O Goberno de Navarra renova o convenio coa Fundación Jaso para impulsar o uso do éuscaro nos ámbitos da vida social
Por terceiro ano subscríbese este convenio ao que o Goberno navarro destina unha partida económica de 15 000 euros. A Fundación Jaso comprométese así a ampliar a oferta cultural en éuscaro, con programación musical e outras actividades nesta lingua.
Fonte: Gobierno de Navarra
O 75 % das preinscricións para a escolarización en 3 anos do vindeiro curso en Navarra solicita ensino en éuscaro
En Navarra, o modelo D de ensino en éuscaro conseguiu un total de 1480 preinscricións en 3 anos para o curso 2022-23, o que supón un descenso do 5,8 % con respecto a este curso debido, en gran medida, ao descenso da natalidade.
Fonte: Noticias de Navarra
Denuncian que o Goberno de Navarra non garante suficientemente os dereitos lingüísticos da cidadanía
Hizkuntz Eskubideen Behatokia (Observatorio de Dereitos Lingüísticos) presentou unha análise do persoal dos diferentes departamentos do Goberno de Navarra na que conclúe que na maioría deles o número de postos bilingües non chega ao 3 %.
Fonte: Noticias de Navarra
O Goberno de Navarra impartirá cursos de alto nivel en éuscaro
O Goberno de Navarra subscribiu un convenio de colaboración coa Universidade Vasca de Verán, por un importe de case 30 000 euros, para o financiamento de actividades formativas en éuscaro de temática variada e de alta calidade.
Fonte: Gobierno de Navarra
O Goberno de Navarra e a Fundación Dindaia asinan un convenio para ofrecer actividades de lecer en éuscaro dirixidas ao público infantil
Euskaraz KiLiKa é un proxecto dirixido a escolares de Navarra que conta cunha dotación de 60 000 euros para o desenvolvemento de accións que permitan que o público infantil goce de experiencias lúdicas nesta lingua.
Fonte: Gobierno de Navarra
O Goberno de Navarra renova o seu convenio con Topagunea para impulsar o uso social do éuscaro
Este convenio de colaboración, dotado con 145 000 euros, está destinado á celebración de Euskaraldia 2022 en Navarra, que este ano terá como lema “Hitzez ekiteko garaia” (tempo de actuar coa palabra). A iniciativa ten como obxectivo impulsar o uso do éuscaro e promover actitudes positivas cara a esta lingua a través de diferentes actividades de sensibilización.
Fonte: Gobierno de Navarra
Boletín
Subscríbase ao boletín
