Navarra
Ponse en marcha unha campaña para difundir a web elaide.es de recursos para aprender éuscaro
Os 28 servizos de éuscaro das Administracións locais de Navarra queren cunha nova campaña difundir a web elaide.eus, dirixida principalmente a estudantes de éuscaro, na que se poden encontrar recursos e información interesante para aprender e poder vivir nesta lingua.
Fonte: Noticias de Navarra
Tudela acolle unha marcha contra a lei do éuscaro
Máis de mil persoas manifestáronse en Tudela contra a lei do éuscaro e a zonificación, xa que consideran que son unha fonte de desigualdade e discriminación por non proporcionar as mesmas oportunidades de estudar esta lingua.
Fonte: Noticias de Navarra
Euskarabidea realizaralles probas de éuscaro ás persoas que concorran aos procesos de estabilización das entidades locais de Navarra
O Instituto Navarro do Éuscaro organiza unha convocatoria de probas de nivel de éuscaro para que as persoas que se presentan aos procedementos de estabilización do persoal das entidades locais de Navarra acrediten o seu nivel de coñecemento, desde o A1 ata o C1.
Fonte: Navarra.es
O programa “Estancias para vivir en éuscaro” acolle 1500 estudantes de Primaria e Secundaria dos modelos A e D
Este programa educativo de inmersión lingüística, que se realizará nas localidades de Arantza e Beintza-Labaien, consiste en varias estancias de 3 ou 5 días nos que o alumnado poderá incrementar e mellorar as súas capacidades comunicativas en éuscaro, fóra das aulas e con falantes nativos. Estancias para vivir en éuscaro tamén impulsa o coñecemento da cultura propia e a preservación da natureza e promove a convivencia e a autonomía persoal.
Fonte: Navarra.es
Preséntase a sexta edición de Sarean Euskaraz, un programa de fomento do éuscaro no ámbito das TIC
Pamplona acollerá os días 13 e 14 de outubro a sexta edición de Sarean Euskaraz na que participarán máis de 1300 mozas e mozos de 4º da ESO e 1º de Bacharelato. Trátase dunha iniciativa do Goberno navarro para dar a coñecer e impulsar o uso do éuscaro nas TIC e promover a cultura dixital nesta lingua, principalmente, entre a mocidade.
Fonte: Gobierno de Navarra
A rede Civivox organiza un concurso de microrrelatos en éuscaro
O concurso de microrrelatos en éuscaro «Iruñea Bihotzean» (Pamplona do meu querer) pretende impulsar a creatividade nesta lingua a través deste xénero. Establécense categorías por idade e a temática dos textos é libre, aínda que as historias deben ter Pamplona como escenario.
Fonte: Pamplona Actual
O Goberno de Navarra presenta unha campaña para promover a aprendizaxe do éuscaro entre persoas adultas
A campaña «Euskera ahora» para impulsar a aprendizaxe do éuscaro entre persoas adultas pretende animar principalmente a xente nova para que estude esta lingua presentándoa como unha escolla atractiva que ofrece novas vivencias e oportunidades.
Fonte: Gobierno de Navarra
Estréase un videoxogo de pelota vasca ao que se pode xogar en éuscaro
A pelota vasca é un dos cinco deportes incluídos en Narona Sports, un videoxogo desenvolvido pola empresa navarra Cokoon Games Lab para a Nintendo Switch no que o éuscaro figura entre as oitos linguas dispoñibles.
Fonte: Noticias de Gipuzkoa
O Concello de Pamplona abre o prazo para presentarse ao seu Certame Literario en éuscaro
O prazo do Certame Literario en éuscaro permanecerá aberto ata o 28 de outubro. Poderán presentarse autoras ou autores navarros ou residentes en Navarra con textos orixinais de tema libre.
Fonte: Navarra Televisión
O Goberno de Navarra abre o período de matrícula para que as persoas adultas aprendan éuscaro
O 4 de setembro finaliza o prazo de matrícula para a aprendizaxe do éuscaro por parte de persoas adultas no Euskaltegi Zubiarte de Huarte / Uharte no curso 2022-2023.
Fonte: Gobierno de Navarra
Boletín
Subscríbase ao boletín
