Navarra

Varios centos de persoas concéntranse en Navarra contra a sentenza que anula varios artigos do decreto do éuscaro

Centos de persoas reivindicaron, cunha concentración ante o Palacio de Navarra, o seu desacordo coas sentenzas do Tribunal Superior de Xustiza que anulan varios dos artigos que regulan o uso do éuscaro nas administracións públicas por consideraren que limitan os dereitos lingüísticos da cidadanía. 

Fonte: Navarra Información

Navarra

O Parlamento de Navarra rexeita a proposta de derrogar o decreto do éuscaro

A proposición de lei presentada no Parlamento da Comunidade Foral, rexeitada pola maioría da Cámara, pretendía derrogar o Decreto foral 103/2017, de 15 novembro, que regula o uso do éuscaro nas Administracións Públicas de Navarra, os seus organismos autónomos e entidades de dereito público dependentes.

Fonte: Pamplona Actual

Navarra

A iniciativa Errigora presenta en Tafalla unha campaña para o impulso do éuscaro

Esta campaña, que se leva facendo desde hai seis anos, busca promover o uso do éuscaro na zona media e sur de Navarra e reforzar contornos como as ikastolas e os euskaltegis.

Fonte: Noticias de Navarra

Navarra

As persoas adultas que estudan éuscaro en Navarra aumentan un 7,2 %

Segundo a información compartida polos centros de aprendizaxe públicos, as escolas oficiais de idiomas e os centros de iniciativa social, o número de alumnos adultos pasou dos 5931 durante o curso 2017/2018 aos 6358 de 2018/2019.

Fonte: Noticias de Navarra 

Navarra

O Tribunal Superior de Xustiza de Navarra anula a valoración do éuscaro como mérito nalgunhas zonas da Comunidade Foral

O éuscaro xa non poderá ser valorado como mérito nas zonas mixta e non vascófona de Navarra. Estímase así o recurso posto por varios sindicatos contra o Decreto do éuscaro e anúlanse, entre outros, artigos sobre o bilingüismo en comunicación, anuncios, rotulación, publicidade e similares.

Fonte: Noticias de Guipuzkoa

Navarra

Euskaltzaindia e o Parlamento navarro continuarán colaborando para visibilizar o éuscaro mediante proxectos educativos, culturais e etnográficos

Membros do Parlamento de Navarra e da Real Academia da Lingua Vasca-Euskaltzaindia mantiveron unha reunión para planificar as colaboracións entre ambas as institucións, na que se comprometeron, entre outras cuestións, a continuar dándolle visibilidade ao éuscaro a través de proxectos educativos, culturais e etnográficos.

Fonte: Noticias de Navarra

Navarra

Resólvense en Pamplona as axudas para a promoción do éuscaro dirixidas a entidades sen ánimo de lucro

Os 90 000 euros desta partida foron finalmente repartidos entre 22 proxectos para a normalización do éuscaro presentados por 14 entidades distintas. Cada un recibiu entre 430 e 16 000 euros de axuda.

Fonte: Pamplona Actual

Navarra

O Concello de Pamplona realizará unha consulta pública sobre a súa ordenanza do éuscaro

A través desta consulta pública coñecerase a opinión da cidadanía sobre a posible modificación da ordenanza que regula a utilización e o fomento do éuscaro no ámbito do consistorio e o seu sector público.

Fonte: Noticias de Navarra

Navarra

Dúas mancomunidades navarras presentan un documental para animar a aprender éuscaro

As Mancomunidades de Éuscaro de Bortziriak e de Malerreka colaboraron na produción dun documental con testemuños de alumnos dos seus euskaltegis que se presentará para a campaña de matriculación no novo curso.

Fonte: Noticias de Navarra

Navarra

Comeza unha campaña para promover o coñecemento da diversidade lingüística de Navarra

O Instituto Navarro do Éuscaro é o impulsor de A que soa Navarra?, unha campaña que se celebra con motivo do Día Europeo das Linguas e a través da que se realizarán actividades que teñen como obxectivo a difusión da diversidade lingüística e o fomento da aprendizaxe de linguas en varias localidades da comunidade foral, ademais de nos medios de comunicación.

Fonte: Noticias de Navarra

Navarra

Boletín

Subscríbase ao boletín

Logo Feder