Navarra
Euskarabidea e a conselleira de Relacións Cidadás de Navarra establecen liñas estratéxicas comúns para a promoción do éuscaro
O Instituto Navarro do Éuscaro e a conselleira reuníronse con axentes sociais da Ribera para poñer en común as actuacións do Goberno de Navarra no que se refire á promoción do éuscaro, como a cooperación entre institucións e cidadanía para aumentar o número de falantes e a creación de ámbitos nos que se fale esta lingua.
Fonte: Navarra.es
O Goberno de Navarra presenta unha nova campaña para impulsar a aprendizaxe do éuscaro entre a poboación infantil
A campaña de impulso da aprendizaxe do éuscaro entre a poboación infantil, que se desenvolverá entre o 13 e o 29 de xaneiro, está destinada a familias navarras e ten como lema «Regálalles o éuscaro e chegarán moi alto / Euskararekin, gora eta gora beti!».
Fonte: Gobierno de Navarra
Euskarabidea publica sete novos vídeos infantís en éuscaro
Estes sete novos vídeos infantís en éuscaro, editados ao abeiro do proxecto Mattin eta Kattalín, veñen sumarse aos cinco publicados o pasado ano e teñen como obxectivo ofrecer a tradición oral navarra de forma actualizada e atractiva.
Fonte: Gobierno de Navarra
Solicitan a modificación da lei do éuscaro para incluír Mañeru na zona mixta de Navarra
Varios grupos parlamentarios rexistraron unha proposición de lei foral no Parlamento de Navarra pedindo a modificación da lei do éuscaro para permitir que Mañeru se incorpore á zona mixta, tal e como solicitou este municipio.
Fonte: Navarra.com
Ponse en marcha unha campaña para estender a oficialidade do éuscaro a toda Navarra
Euskalgintzaren Kontseilua organiza esta campaña para demandar que o éuscaro sexa oficial en toda Navarra, xa que, segundo defenden, é o único xeito para garantir os dereitos lingüísticos, a cohesión e a igualdade.
Fonte: EITB
O Concello de Pamplona e a Real Academia da Lingua Vasca asinan un convenio para a promoción do éuscaro
Por medio deste convenio para o asesoramento lingüístico e o fomento do éuscaro, a Real Academia da Lingua Vasca-Euskaltzaindia recibirá do Concello de Pamplona 12 000 euros en concepto de subvención nominativa.
Fonte: Ayuntamiento de Pamplona
A Real Academia da Lingua Vasca apoia a modificación da lei do éuscaro para que sexa oficial en toda Navarra
Euskaltzaindia - Real Academia da Lingua Vasca apoia a declaración do Consello Navarro do Éuscaro para pedir unha modificación lexislativa pola que esta lingua se converta en oficial en toda Navarra, esencial para garantir os dereitos lingüísticos da cidadanía da Comunidade Foral.
Fonte: Noticias de Navarra
O Goberno de Navarra impulsa o uso do éuscaro nos centros de saúde
Euskarabidea-Instituto Navarro do Éuscaro e Osasunbidea, o servizo navarro de saúde, colaboran para fomentar o emprego do éuscaro nos centros de atención primaria, para o que levou a cabo un programa piloto en varios centros de saúde da zona vascófona co obxectivo de analizar as súas características e necesidades lingüísticas.
Fonte: Gobierno de Navarra
Descóbrese en Navarra a primeira inscrición en éuscaro de hai 2100 anos
Trátase do primeiro texto en lingua vascónica, antecesora do éuscaro, composto de cinco palabras inscritas nun obxecto de bronce con forma de man que colgaba da porta dunha vivenda hai 2100 anos no poboado de Irulegi, no val de Aranguren (Navarra).
Fonte: El Correo
Crean en Navarra unha nova rede en defensa dos dereitos lingüísticos
Sakanako Euskaltzaleon Sarea é unha rede aberta en defensa dos dereitos lingüísticos dos falantes de éuscaro da comarca de Sakana, creada por un grupo de persoas preocupadas polas dificultades que se atopan para poder vivir nesta lingua.
Fonte: Noticias de Navarra
Boletín
Subscríbase ao boletín
