Navarra

O 75 % das preinscricións para a escolarización en 3 anos do vindeiro curso en Navarra solicita ensino en éuscaro

En Navarra, o modelo D de ensino en éuscaro conseguiu un total de 1480 preinscricións en 3 anos para o curso 2022-23, o que supón un descenso do 5,8 % con respecto a este curso debido, en gran medida, ao descenso da natalidade.

Fonte: Noticias de Navarra

Navarra

Denuncian que o Goberno de Navarra non garante suficientemente os dereitos lingüísticos da cidadanía

Hizkuntz Eskubideen Behatokia (Observatorio de Dereitos Lingüísticos) presentou unha análise do persoal dos diferentes departamentos do Goberno de Navarra na que conclúe que na maioría deles o número de postos bilingües non chega ao 3 %.

Fonte: Noticias de Navarra

Navarra

O Goberno de Navarra impartirá cursos de alto nivel en éuscaro

O Goberno de Navarra subscribiu un convenio de colaboración coa Universidade Vasca de Verán, por un importe de case 30 000 euros, para o financiamento de actividades formativas en éuscaro de temática variada e de alta calidade.

Fonte: Gobierno de Navarra

Navarra

O Goberno de Navarra e a Fundación Dindaia asinan un convenio para ofrecer actividades de lecer en éuscaro dirixidas ao público infantil

Euskaraz KiLiKa é un proxecto dirixido a escolares de Navarra que conta cunha dotación de 60 000 euros para o desenvolvemento de accións que permitan que o público infantil goce de experiencias lúdicas nesta lingua.

Fonte: Gobierno de Navarra

Navarra

O Goberno de Navarra renova o seu convenio con Topagunea para impulsar o uso social do éuscaro

Este convenio de colaboración, dotado con 145 000 euros, está destinado á celebración de Euskaraldia 2022 en Navarra, que este ano terá como lema “Hitzez ekiteko garaia” (tempo de actuar coa palabra). A iniciativa ten como obxectivo impulsar o uso do éuscaro e promover actitudes positivas cara a esta lingua a través de diferentes actividades de sensibilización.

Fonte: Gobierno de Navarra

Navarra

Euskarabidea desenvolve tres proxectos de publicación de novos contidos dixitais en éuscaro

Os tres proxectos de contidos dixitais en éuscaro consisten en dous podcast (de 26 capítulos cada un, cun total de 52 audios), que tratan a historia deste idioma en Navarra; sete vídeos para público infantil e familiar; e a renovación do convenio para a promoción de contidos na Wikipedia nesta lingua.  

Fonte: Gobierno de Navarra

Navarra

Varios colectivos navarros defenden o modelo educativo en éuscaro por consideralo o máis inclusivo

Colectivos do ámbito da educación e o éuscaro, así como organizacións sindicais, animan as familias navarras a matricular os seus fillos e fillas no modelo D, que na súa opinión permite alcanzar unha competencia avanzada nesta lingua e en castelán e adecuada en inglés.

Fonte: Noticias de Navarra

Navarra

Lanzan en Navarra unha campaña a prol do modelo educativo en éuscaro

As asociacións Sortzen, Federación de Ikastolas de Navarra e NIZE organizan, baixo o lema «aUPa Euskara! Ahotik mundura», unha campaña a prol do modelo educativo en éuscaro, que consideran que conta cun amplo apoio social e favorece a cohesión e a igualdade de oportunidades.

Fonte: Pamplona Actual

Navarra

O Parlamento de Navarra aproba unha moción para instar o Goberno Foral a impulsar o uso do éuscaro nas súas sedes electrónicas

O Parlamento de Navarra aprobou por unanimidade unha moción para instar o Goberno a que garanta que os contidos, os trámites e outras actuacións da sede electrónica estean dispoñibles integramente en éuscaro.

Fonte: Navarra.com

Navarra

O Concello de Pamplona ofertará só un 24 % de prazas en éuscaro nas escolas infantís municipais

O Concello de Pamplona presentou a súa oferta educativa nas doce escolas infantís municipais para o curso 2022-2023. No que respecta á oferta de éuscaro, a capital navarra contará con 259 prazas (con ou sen inglés), un 24 % do total, fronte ás 810 en castelán e inglés, que supoñen o 74 %.

Fonte: Naiz

Navarra

Boletín

Subscríbase ao boletín

Logo Feder