Navarra
O Goberno de Navarra renova o convenio de colaboración coa asociación Topagunea para impulsar Euskaraldia 2021
Baixo o lema “Euskarak 365 egun”, Euskaraldia é un programa que ten como obxectivo fomentar o uso social do éuscaro en Navarra. Para impulsar esta iniciativa o Goberno Foral asinou un convenio con Topagunea, dotado con 130.000 euros, para a coordinación e a divulgación do programa, e para a realización de actividades de fomento e sensibilización, actos públicos...
Fonte: Gobierno de Navarra
Unha páxina web, impulsada polo Goberno de Navarra, recompila cancións para a aprendizaxe do éuscaro
Esta páxina web, creada polo Departamento navarro de Educación, está dirixida ao profesorado de Infantil, Primaria e Secundaria dos modelos A e D, e de centros de ensino de éuscaro para persoas adultas. Esta ferramenta facilitaralles o uso nas clases de cancións dispoñibles en Internet, máis de 350, clasificadas por temática.
Fonte: Gobierno de Navarra
Euskarabidea presenta unha campaña para fomentar o uso do éuscaro entre novos falantes
Esta nova campaña, que ten como lema “Regálalles o éuscaro e chegarán moi alto / Euskararekin, gora eta gora beti!, pretende transmitirlles ás familias o valor positivo da aprendizaxe e o uso desta lingua.
Fonte: Gobierno de Navarra
O Goberno navarro destina 80 000 euros ao estudo e difusión do éuscaro
O Goberno de Navarra vai concederlles axudas por un valor total de 80 000 euros a Eusko Ikaskuntza e á Asociación Soziolinguistica Klusterra. A primeira recibirá 55 000 euros mentres que no caso da segunda serán 25 000, unhas subvencións que axudarán á realización de actividades de recuperación e normalización do éuscaro.
Fonte: Gobierno de Navarra
O Observatorio de Dereitos Lingüísticos Behatokia rexistra 1229 incidencias respecto ao uso do éuscaro
Segundo os datos do Observatorio de Dereitos Lingüísticos Behatokia, dende que se declarou a pandemia o número de incidencias respecto ao emprego do éuscaro incrementouse un 66,7 %.
Fonte: Noticias de Navarra
Preséntase a campaña "Arnasa Gara" co obxectivo de apoiar os municipios que poden vivir en éuscaro de forma natural
Os Gobernos vasco e navarro, e a Mancomunidade de Municipios Vascos acaban de impulsar "Arnasa Gara", unha campaña que busca apoderar os municipios arnasgune (con presenza maioritaria do éuscaro) e a súa poboación.
Fonte: Gobierno de Navarra
O Goberno de Navarra convoca axudas para a aprendizaxe e o perfeccionamento do éuscaro entre o profesorado
O Departamento de Educación publicou a convocatoria de axudas individuais, para cursos realizados entre o 1 de setembro de 2020 e o 31 de agosto de 2021, dirixidas á aprendizaxe e o perfeccionamento do éuscaro entre o profesorado.
Fonte: Gobierno de Navarra
Preséntase un documental sobre a influencia das ikastolas navarras na recuperación, transmisión e fomento do éuscaro
O documental ten como obxectivo recoller testemuños para coñecer a influencia do movemento das ikastolas de Navarra na recuperación, transmisión, promoción e difusión do éuscaro.
Fonte: Pamplona Actual
O Goberno de Navarra impulsa a presenza do éuscaro nas novas tecnoloxías
O Goberno de Navarra asinou un novo acordo de colaboración con Euskal Wikilarien Kultur Elkartea para fomentar o uso e a presenza do éuscaro nas novas tecnoloxías da información e a comunicación.
Fonte: Gobierno de Navarra
O Goberno de Navarra convoca axudas para a promoción do éuscaro nos medios de comunicación e o contorno dixital
Estas axudas, que contan cunha dotación orzamentaria de 920.912 euros, están destinadas á promoción do uso do éuscaro nos medios de comunicación, e para impulsar o proceso de dixitalización destes.
Fonte: Gobierno de Navarra
Boletín
Subscríbase ao boletín
