Navarra
O Concello de Pamplona fai entrega dos premios do seu XXIX Certame Literario en Éuscaro
Os doce galardóns foron entregados entre os 31 traballos participantes desta edición nas tres modalidades literarias nas que se divide o concurso: narración breve, poesía e bertso-paperak, con premios de entre 500 e 2500 euros para as mellor valoradas e catro mencións especiais dotadas con 250 euros.
Fonte: Noticias de Navarra
O Goberno de Navarra destina axudas a 22 medios de comunicación polo seu uso e promoción do éuscaro
Euskarabidea resolveu a convocatoria de axudas dirixidas ao uso do éuscaro en prensa escrita, radios e medios de comunicación en liña. En total destináronse 665 939,95 euros dos que se beneficiaron 22 medios.
Fonte: Gobierno de Navarra
O Consello Navarro do Éuscaro coñece os compromisos en materia lingüística do Goberno Foral
Afastar a lingua dos debates partidistas e impulsar un acordo social e político sobre o éuscaro son os principais compromisos en materia lingüística do Goberno Foral presentados perante o Consello Navarro do Éuscaro, ademais das liñas de acción que se van desenvolver, como a redacción dun segundo plan estratéxico.
Fonte: Noticias de Navarra
Finaliza o ciclo de teatro en éuscaro de Pamplona
Antzerki Aroa pecha as representacións en éuscaro na cidade de Pamplona coa interpretación dunha obra nacida da improvisación na que se reflexiona sobre a condición do ser humano e a súa maldade.
Fonte: La Vanguardia
O Tribunal Superior de Xustiza de Navarra rexeita o recurso para aumentar as prazas de éuscaro nas escolas municipais
Os cambios foron realizados no curso 2016/2017 en cinco escolas infantís (0-3 anos) e supuñan unha reconfiguración da planificación educativa para a que o concello non ten competencia, segundo o auto do Tribunal Superior de Xustiza, pois incumpre o Decreto Foral que obriga a garantir a continuidade no mesmo centro do modelo lingüístico escollido polo alumnado ata o final da súa escolarización.
Fonte: El Diario
A Real Academia da Lingua Vasca recibe a Medalla do Parlamento navarro
Este premio recoñece a traxectoria histórica da Academia, así como o seu traballo pola normalización e unificación da lingua vasca. Foi entregado durante o acto do Día do Éuscaro, no que se leu unha declaración institucional e se celebrou a positiva evolución no uso da lingua en Navarra, onde o 13 % da poboación o emprega como lingua principal.
Fonte: El Diario
O Concello de Pamplona aproba unha nova ordenanza do éuscaro
As principais modificacións que introduce, consideradas nalgúns casos discriminatorias, supoñen a eliminación da valoración do coñecemento do éuscaro como mérito para os postos sen perfil bilingüe e a supresión, de facto, do bilingüismo na publicidade institucional así como na rotulación das placas das rúas e similares.
Fonte: Noticias de Navarra
O Parlamento de Navarra rexeita unha moción para retirar de uso varios libros de texto en éuscaro
O Pleno do Parlamento votou finalmente en contra de retirar de uso, así como dos programas de gratuidade, varios modelos de libros de texto que, segundo un informe de 2009, non concordan coa realidade institucional de Navarra.
Fonte: Navarra Información
O equipo de Goberno do Concello de Pamplona propón recuperar a ordenanza do éuscaro de 1997
O actual goberno do Concello de Pamplona quere levar a pleno a recuperación na súa práctica totalidade da ordenanza lingüística de 1997, que recorta a presenza do éuscaro na publicidade institucional nun 25 % en relación co modelo actual.
Fonte: Naiz
O Salvador escolle o modelo das ikastolas navarro para a recuperación dunha das súas linguas indíxenas
A lingua náhuat-pipil, que conta actualmente con 75 falantes, atópase inmersa nun novo proxecto de recuperación e revitalización lingüística para o cal se está tomando como referencia o modelo de inmersión lingüística das ikastolas navarras.
Fonte: Noticias de Navarra
Boletín
Subscríbase ao boletín
