Navarra
Critican os perfís lingüísticos esixidos para determinadas prazas da Policía Foral de Navarra
Os sindicatos CSIF e APF critican a decisión de esixir o coñecemento de éuscaro nalgunhas prazas na Administración e na Policía Foral.
Fonte: Noticias de Navarra
Unha asociación navarra reclama un incremento das escolas infantís en éuscaro en Pamplona
O grupo Administrazioan Euskaraz Talde (AET) sinala que a oferta do Concello de Pamplona e do Goberno de Navarra non cobre a demanda do modelo de éuscaro nas escolas infantís da cidade.
Fonte: Navarra.com
O Goberno Foral de Navarra abre a convocatoria dun programa de inmersión lingüística en éuscaro para a mocidade
O Goberno Foral abre a convocatoria dun programa de inmersión lingüística denominado Estancias para vivir en éuscaro. Dirixido ao alumnado de 3º de educación primaria a 4º de educación secundaria, habilítanse ata 1050 prazas.
Fonte: Noticias de Navarra
A localidade navarra de Sangüesa celebra Eskararen Eguna, a súa festa do éuscaro
Baixo o lema 'Etsi, euskarari eutsi' ("Non deixes de tentalo, empuxa o éuscaro"), a organización Bi Haizetara celebra este ano a reivindicativa festa, co obxectivo de dinamizar esta lingua. Este ano, decimo sétimo no que se realiza o evento, a importancia recae especialmente na renovación do grupo que participa nas actividades, grazas á integración activa de cada vez máis persoas novas.
Fonte: Noticias de Navarra
O Goberno de Navarra resolve a concesión de axudas a medios de comunicación para a promoción do uso do éuscaro
En total, repartíronse 680 000 euros, o que supón un incremento do 134% con respecto ao ano pasado. Nesta ocasión, dividíronse entre 24 empresas, responsables de xornais, revistas, emisoras de radio ou medios en liña.
Fonte: Diario de Navarra
Entidades locais de Navarra crean unha web destinada a persoas que queren aprender éuscaro
Entidades locais de Navarra crearon, a través dos seus servizos de éuscaro, a páxina web 'elaide.eus', dirixida a quen queira coñecer o idioma. Trátase dunha plataforma que ofrece apoio e recursos a quen está a aprender esta lingua, co fin último de pór o éuscaro e a cultura euscalduna ao alcance das persoas interesadas.
Fonte: Diario Vasco
A coordinadora de asociacións en favor do éuscaro de Navarra presenta quince medidas en materia lingüística para a próxima lexislatura
Kontseilua, a coordinadora de asociacións en favor do éuscaro, presentou quince medidas en materia lingüística para a próxima lexislatura en Navarra. Estas medidas diríxense a conseguir a oficialidade do éuscaro en toda Navarra: Administración Pública, sistema educativo, medios de comunicación etc.
Fonte: Noticias de Navarra
O Concello de Pamplona e a Real Academia da Lingua Vasca asinan un convenio para colaborar no asesoramento lingüístico municipal
O Concello de Pamplona e a Real Academia da Lingua Vasca (Euskaltzaindia) asinaron un convenio para a concesión dunha subvención de 12 000 euros para a promoción do éuscaro, acordo que estará vixente ata o 31 de decembro deste ano.
Fonte: Pamplona Actual
O Concello de Pamplona pasa a pleno a ordenanza do éuscaro para a súa aprobación
O Concello de Pamplona pasa a pleno a Ordenanza reguladora da utilización e fomento do éuscaro para a súa aprobación definitiva. A nova ordenanza define o castelán e o éuscaro como linguas propias da cidade e busca garantir os dereitos lingüísticos da poboación local.
Fonte: Diario de Navarra
O Concello de Pamplona destina 90 000 euros a proxectos de promoción do éuscaro
O Concello de Pamplona aprobou unha convocatoria de subvencións dirixida a entidades sen ánimo de lucro para a realización de proxectos de promoción do éuscaro na cidade. En total destinaranse 90 000 euros, o que significa un aumento do 8,4 % con respecto ao ano anterior.
Fonte: Noticias de Navarra
Boletín
Subscríbase ao boletín
