Navarra
O Goberno de Navarra convoca axudas para a promoción do éuscaro nas TIC
O Goberno de Navarra destinará 40 000 euros a axudas para a promoción, difusión e normalización do éuscaro no ámbito das tecnoloxías da información e a comunicación. Con esta convocatoria preténdese incentivar a creación ou a adaptación a esta lingua de sitios web, aplicacións e programas informáticos.
Fonte: Diario de Navarra
O Goberno de Navarra e Euskaltzaindia renovan o seu compromiso coa normalización do éuscaro
O Goberno de Navarra e Euskaltzaindia asinaron o convenio de colaboración para o ano 2019, grazas ao que destinarán 169 000 euros á normalización, ao desenvolvemento e ao estudo do éuscaro.
Fonte: Noticias de Navarra
Pamplona acollerá a festa de Sortzen a favor da educación pública en éuscaro
Sortzen celebrará en Pamplona a súa festa anual a favor da educación pública en éuscaro nesta ocasión baixo o lema 'Euskaratik guztion eskola Sortzen' (desde o éuscaro creando escola para todos e todas).
Fonte: Noticias de Navarra
O Concello de Pamplona fomenta a lectura en éuscaro
O Concello de Pamplona e mais as bibliotecas públicas da cidade participan no programa de fomento da lectura en éuscaro “Irakurri, gozatu eta oparitu”, impulsada pola asociación Euskaltzaleen Topagunea.
Fonte: Pamplona Actual
O Goberno de Navarra aproba unha orde foral que regula a elaboración dos proxectos lingüísticos dos centros educativos
A orden foral que regula o Proxecto Lingüístico de Centro establece que cada centro elabore ou actualice o seu proxecto para que este se converta nun documento básico para o fomento do multilingüismo e a mellora da calidade do sistema de ensino.
Fonte: Noticias de Navarra
O Boletín Oficial de Navarra publica a convocatoria de axudas para o fomento do uso e a presenza do éuscaro nos centros de traballo
Euskarabidea convoca axudas destinadas a empresas do sector privado para impulsar plans de uso e presenza do éuscaro nos centros de traballo. Esta convocatoria, dotada cun orzamento de 80.000 euros, ten como obxectivo aumentar o emprego e a visibilización desta lingua nos lugares de traballo.
Fonte: 20 minutos
O Goberno de Navarra promoverá o cine en éuscaro no ámbito educativo
O Goberno de Navarra e a asociación Tinko Euskera Elkartea renovaron o seu convenio para promover o cinema en éuscaro entre o alumnado. Así, 4500 estudantes de Infantil, Primaria e Secundaria coñecerán películas realizadas en éuscaro ou traducidas a esta lingua sobre as que posteriormente farán un traballo na aula.
Fonte: 20 minutos
O Goberno de Navarra renova a súa colaboración coa Real Academia da Lingua Vasca
O Goberno de Navarra e a Real Academia da Lingua Vasca renovaron o compromiso de colaboración que veñen mantendo dende hai máis dun século. Fixérono durante un acto no que se destacou a importancia do labor realizado por Euskaltzaindia a prol do éuscaro e dos dereitos dos euscaldúns.
Fonte: Noticias de Navarra
Denuncian que o éuscaro non é un idioma prioritario nas convocatorias de emprego da sanidade navarra
Segundo denuncia o colectivo Administrazioan Euskara Talde, as convocatorias de emprego do Servizo Navarro de Saúde na zona non vascófona seguirán valorando o coñecemento de linguas estranxeiras como o alemán, o francés e o inglés, pero non o do éuscaro.
Fonte: Diario de Navarra
Solicítanlle ao Parlamento navarro que recoñeza a lingua de signos como oficial
Representantes da Asociación de Persoas Xordas de Nafarroa (ASORNA) solicitáronlle ao Parlamento navarro o recoñecemento da lingua de signos como oficial e o mesmo status que o resto das linguas.
Fonte: Naiz
Boletín
Subscríbase ao boletín
