Segundo a Enquisa Social e de Condicións de Vida de 2018, o 27,9 % das persoas maiores de 15 anos que viven en Navarra ten algún coñecemento de éuscaro, porcentaxe que se eleva ata o 40 % no caso da poboación máis nova.

Fonte: Naiz

Dende as direccións dos centros públicos co modelo D animan as familias de orixe estranxeira a escoller o ensino en éuscaro, unha opción de inmersión lingüística que garante o bilingüismo no alumnado ao finalizar a escolarización.

Fonte: Noticias de Navarra

As familias de Pamplona que envían as súas fillas e fillos ás escolas infantís co modelo en éuscaro manifestaron a súa preocupación pola continuidade destes centros debido á postura do Goberno municipal que considera excesiva a oferta nesta lingua.

Fonte: Cadena SER

Segundo o informe elaborado polo Consello Escolar de Navarra, arredor do 40 % dos 109 734 estudantes escolarizados na Comunidade Foral en 2018-19 estudaba éuscaro, dos cales un 25 % o facía no modelo de inmersión lingüística (modelo D) e o resto como materia (modelo A).

Fonte: Noticias de Navarra

Os doce galardóns foron entregados entre os 31 traballos participantes desta edición nas tres modalidades literarias nas que se divide o concurso: narración breve, poesía e bertso-paperak, con premios de entre 500 e 2500 euros para as mellor valoradas e catro mencións especiais dotadas con 250 euros. 

Fonte: Noticias de Navarra

Euskarabidea resolveu a convocatoria de axudas dirixidas ao uso do éuscaro en prensa escrita, radios e medios de comunicación en liña. En total destináronse 665 939,95 euros dos que se beneficiaron 22 medios.

Fonte: Gobierno de Navarra

Afastar a lingua dos debates partidistas e impulsar un acordo social e político sobre o éuscaro son os principais compromisos en materia lingüística do Goberno Foral presentados perante o Consello Navarro do Éuscaro, ademais das liñas de acción que se van desenvolver, como a redacción dun segundo plan estratéxico.

Fonte: Noticias de Navarra

Antzerki Aroa pecha as representacións en éuscaro na cidade de Pamplona coa interpretación dunha obra nacida da improvisación na que se reflexiona sobre a condición do ser humano e a súa maldade.

Fonte: La Vanguardia

Os cambios foron realizados no curso 2016/2017 en cinco escolas infantís (0-3 anos) e supuñan unha reconfiguración da planificación educativa para a que o concello non ten competencia, segundo o auto do Tribunal Superior de Xustiza, pois incumpre o Decreto Foral que obriga a garantir a continuidade no mesmo centro do modelo lingüístico escollido polo alumnado ata o final da súa escolarización.

Fonte: El Diario

Este premio recoñece a traxectoria histórica da Academia, así como o seu traballo pola normalización e unificación da lingua vasca. Foi entregado durante o acto do Día do Éuscaro, no que se leu unha declaración institucional e se celebrou a positiva evolución no uso da lingua en Navarra, onde o 13 % da poboación o emprega como lingua principal.

Fonte: El Diario