País Vasco
Os alumnos vascos melloran o seu rendemento en éuscaro e castelán
Os escolares vascos melloraron os seus resultados en éuscaro e castelán, segundo os datos recollidos na avaliación diagnóstica realizada a alumnos de cuarto de Primaria e segundo da ESO.
Fonte: El Correo
O Concello de Galdakao organiza un programa para que os mozos aprendan vocabulario e expresións informais en éuscaro
O Concello de Galdakao organizará nos centros educativos un programa de reforzo do éuscaro, no que os adolescentes aprenderán vocabulario e expresións informais relacionadas co enfado, ligar ou tomar o pelo, entre outros temas.
Fonte: ABC
O Goberno Vasco crea un tradutor éuscaro-español
A Viceconsellería de Política Lingüística do departamento de Cultura do Goberno Vasco presentou o tradutor automático de éuscaro-español e inglés-éuscaro, unha ferramenta que facilitará moito o traballo de comunicación.
Fonte: Aprendemas
A Real Academia da Lingua Vasca recoñece que a fin da violencia favorecerá a difusión do éuscaro
Andrés Urrutia, presidente da Real Academia da Lingua Vasca, recoñece que a fin da violencia e o proceso de normalización sociopolítica en curso favorecerán “indubidablemente” en adiante a difusión do éuscaro como idioma que aspira a ocupar o seu propio lugar nun Estado plurilingüe como o español.
Fonte: La Información
O Goberno Vasco outorgará 34 licenzas de radio, 11 delas en éuscaro
O Goberno Vasco outorgará mediante concurso público 34 licenzas de radio de FM, das que 11 estarán reservadas para emisoras con programación integramente en éuscaro.
Fonte: Finanzas
Guipúscoa, cun 50 % de poboación bilingüe, é o territorio onde máis se usa o éuscaro
O 32 % dos vascos maiores de 16 anos é bilingüe, mentres que o 17,2 % é bilingüe pasivo, é dicir, entende o éuscaro pero por un ou outro motivo non o utiliza; unhas porcentaxes que en Guipúscoa chegan ao 49,9 % e 16,4 % respectivamente.
Fonte: Noticias de Gipúzkoa
O Servizo Vasco de Saúde frea un programa de normalización do éuscaro
Malia que arredor do 37 % da cidadanía da Comunidade Autónoma Vasca pode utilizar o éuscaro como lingua de comunicación con total normalidade en todas as actividades cotiás, resulta todo un reto conseguir ser atendido por Osakidetza (o Servizo Vasco de Saúde) nesta lingua.
Fonte: Noticias de Gipuzkoa
Os medios de comunicación privados en éuscaro piden un cambio nas axudas públicas ao sector
Os medios privados de comunicación en éuscaro cren que é necesario que as institucións públicas "adapten" a súa política de axudas para fomentar os investimentos e o desenvolvemento deste sector, que está afrontando esta crise "mellor" que os seus "homólogos das linguas maioritarias".
Fonte: Diario Vasco
Máis de 400 alumnos de Barakaldo crean unha obra teatral para difundir o éuscaro
Máis de 400 alumnos de Barakaldo participaron nunha iniciativa municipal para difundir o uso do éuscaro, na que tiveron a oportunidade de crear unha obra teatral que representarán ao longo deste curso.
Fonte: Europa Press
A Real Academia da Lingua Vasca-Euskaltzaindia defende as sancións lingüísticas só coma ‘último recurso’
O presidente da Real Academia da Lingua Vasca-Euskaltzaindia, Andrés Urrutia, defendeu un modelo “mixto” para protexer o éuscaro no ámbito do comercio, de forma que se combine a promoción desta lingua con medidas de arbitraxe ou ata sancións, aínda que estas deberían ser un “último recurso” para casos “extremos”.
Fonte: El Mundo
Boletín
Subscríbase ao boletín
