O Consello Escolar de Euskadi deu o visto e prace ao decreto do Goberno vasco no que se establece que os alumnos que estuden máis do 50 % das materias en éuscaro quedarán exentos de acreditar títulos sobre o coñecemento desa lingua nos procesos de selección da Administración pública.

Fonte: El Correo

Coincidindo co Día Europeo das Linguas, a Fundación Elhuyar presentou a versión para móbil de cinco dos seus dicionarios.

Fonte: EITB

O Goberno vasco insiste en que non multará os comercios que non utilicen o éuscaro. Así o fixo saber a viceconselleira de Política Lingüística ás asociacións de consumidores e empresarios nunha reunión mantida en Vitoria.

Fonte: Diario Vasco

O Instituto de Euscaldunización e Alfabetización (HABE) destinará 230.000 euros aos centros vascos-euskal etxeak para impartir cursos de éuscaro a adultos entre 2011 e 2012.

Fonte: ADN

Inmigrantes de Portugal, Marrocos, Paquistán, Latinoamérica, e de países europeos, xunto con xente nacida en Euskadi ou noutras comunidades e que non saben falar éuscaro, reúnense desde hai un ano os venres, no bar do club de xubilados, para aprender éuscaro dunha forma amena e divertida, sen facer exercicios, aprendendo a estrutura das frases e practicando conversas de vida cotiá.

Fonte: Diario Vasco

A Área de Éuscaro, Xuventude e Deporte do Concello de Bilbao, xunto ao portal cultural de internet nontzeberri.com, puxo en marcha, un ano máis, o concurso de blogs en éuscaro ‘Bilblogari’, para fortalecer o uso do éuscaro en internet e nos soportes dixitais.

Fonte: Europa Press

A editorial Elkar presentou un novo método de aprendizaxe de éuscaro que actualiza o material didáctico previo dispoñible. O método, denominado Arian, ofrece unha proposta didáctica «acorde cos programas que se editan na actualidade» para o ensino de idiomas.

Fonte: Diario Vasco

As leis vascas e as inicitivas lexislativas estatais con rango de lei publicaranse tamén en éuscaro no Boletín Oficial do Estado (BOE), segundo informou o departamento de Presidencia do Goberno vasco.

Fonte: Diario Siglo XXI

A Fundación Elhuyar elaborou un sistema para aprender éuscaro básico a través do teléfono móbil. Traduce palabras e frases do castelán ao éuscaro e está dirixido aos adultos que acoden ao País Vasco e queren ter unha conversa elemental cos vascoparlantes. A aplicación poderase descargar gratis desde o enderezo de internet moblang.eu.

Fonte: Diario Vasco

Un total de 261 queixas motivadas pola percepción de que os seus dereitos lingüísticos estaban sendo vulnerados presentaron en 2010 os cidadáns vascos ante Elebide, o Servizo de Garantía dos Dereitos Lingüísticos do Goberno vasco.

Fonte: Diario Vasco