País Vasco
A edición en éuscaro da enciclopedia dixital Wikipedia incorpora 11 000 novas entradas
A edición en éuscaro da enciclopedia dixital Wikipedia incorporou 11 000 novas entradas, que se suman ás 110 000 que se editaran ata o momento.
Fonte: Europa Press
O PNV pide esixir o éuscaro nas probas de ingreso á Ertzaintza
O PNV pediu que a futura lei da policía vasca estableza coma requirimento para presentarse ás probas de ingreso na Ertzaintza o coñecemento do éuscaro por parte dos aspirantes.
Fonte: ABC
A oferta de actividades lúdicas en éuscaro en Llodio prolongarase todo o ano
O Concello de Llodio ofrecerá ao longo de todo o ano actividades lúdicas en éuscaro para nenos e mozos a través dos programas Sorgin Zapatuak e Oxigeno Euskarari.
Fonte: El Correo
O observatorio dos dereitos lingüísticos Behatokia rexistra na súa primeira década 8535 reclamacións
O observatorio dos dereitos lingüísticos Behatokia, creado por Kontseilua, cumpriu en 2011 dez anos. Fundado para velar polos dereitos dos falantes de éuscaro, Behatokia presentou recentemente en Bilbao un balance da última década (2001-2010) e resumiu que neste tempo a normalización do éuscaro non sufriu “grandes avances”. Durante estes anos, o observatorio tratou 9514 casos, dos que destacan as 8535 queixas rexistradas.
Fonte: Deia
O secretario xeral de Política Lingüística de Galicia asiste a un encontro cos seus homólogos do País Vasco, Cataluña e Navarra
O secretario xeral de Política Lingüística da Consellería de Cultura, Educación e Ordenación Universitaria, Valentín García, asistiu a un encontro celebrado en Bilbao cos membros españois que participan xunto con Galicia na Rede para a Promoción da Diversidade Lingüística en Europa (Network to Promote Linguistic Diversity, NPLD).
Fonte: Xunta de Galicia
O Consello Escolar do País Vasco móstrase preocupado ante o escaso nivel de éuscaro do alumnado
O Consello Escolar de Euskadi alertou do “baixo nivel competencial” en éuscaro que acada “unha porcentaxe importante do alumnado dos modelos B e D”. Son os modelos lingüísticos nos que máis estudantes hai hoxe e nos que a maioría das materias se ensinan en éuscaro.
Fonte: El País
A empresa vasca Dualia ofrece teleinterpretación en tempo real en máis de 50 linguas
O ‘pack Dualia’, composto de teléfono móbil e auricular para dúas persoas, está presente en máis de 1500 centros sanitarios, oficinas públicas, dependencias policiais e empresas de España.
Fonte: Diario Vasco
O programa Berbalagun lanza un novo plan para a práctica do éuscaro dirixido ás familias
O programa Berbalagun de Llodio, unha iniciativa que está dando ás persoas que queren practicar e vivir en éuscaro a oportunidade de facelo en grupos que se reúnen con periodicidade semanal, ampliou os seus horizontes. Decidiu crear novos grupos de encontro, exclusivamente integrados por familias con fillos e fillas de curta idade.
Fonte: Noticias de Álava
A Deputación de Áraba impulsa un ciclo de charlas de orientación para facilitar o plurilingüismo no fogar
A Deputación de Áraba impulsa un ciclo de charlas de orientación para «incidir na transmisión do idioma da familia e axudar os fillos a vivir o plurilingüismo como algo positivo e enriquecedor», así como «axudar ás familias a resolver as súas dúbidas ao respecto».
Fonte: El Correo
Chega o primeiro conto interactivo para o iPad en éuscaro
O conto interactivo vasco Kili-Kili converteuse no primeiro libro infantil para terminais móbiles como iPad, iPhone e iPod Touch, que permite aos máis pequenos da casa comezar a coñecer as palabras en éuscaro.
Fonte: Va de juegos
Boletín
Subscríbase ao boletín
