País Vasco
O Goberno vasco incrementa a partida destinada á produción audiovisual en éuscaro
A través dun acordo subscrito co Instituto da Cinematografía e das Artes Audiovisuais, o Goberno vasco destinará 760 000 euros máis á produción audiovisual en éuscaro, co que o montante total da convocatoria ascende a 3 190 000 euros.
Fonte: Gobierno Vasco
O Concello de Bilbao impulsará en 2023 medidas para impulsar o uso do éuscaro nas rúas da cidade
Durante o ano 2023 poranse en marcha medidas concretas para impulsar o uso do éuscaro nas rúas tendo en conta a realidade de cada distrito e de cada barrio, onde inflúen factores como a disposición, o pasado, a estrutura demográfica...
Fonte: Deia
O Servizo para a Garantía dos Dereitos Lingüísticos do País Vasco recibiu 277 incidencias no ano 2021
O informe de Elebide, o Servizo para a Garantía dos Dereitos Lingüísticos, sinala que a maior parte das incidencias foron queixas, a maioría relativas a vulneracións do dereito a usar o éuscaro.
Fonte: Gobierno Vasco
O Goberno vasco entrega os certificados Bikain a 28 entidades polo seu esforzo por incrementar o emprego do éuscaro
Donostia acolleu o acto de entrega de Certificados Bikain de Calidade na Xestión Lingüística que recoñecen e poñen en valor o esforzo das entidades receptoras para aumentar o uso do éuscaro no ámbito socioeconómico. Das 28 entidades, once acreditaron o nivel superior; catorce, o medio; e tres, o básico.
Fonte: Gobierno Vasco
Un total de 330 000 persoas mostra a súa preferencia por recibir atención en éuscaro no Servizo Vasco de Saúde
A conselleira de Saúde detallou os obxectivos do III Plan de normalización do éuscaro en Osakidetza para o período 2022-2028 cuxo principal reto é avanzar no respecto aos dereitos lingüísticos da cidadanía e garantir o uso desta lingua na comunicación corporativa e na atención aos usuarios.
Fonte: Noticias de Gipuzkoa
Crean un dicionario de sinónimos en éuscaro relacionados co mundo da agricultura e a gandería
A fundación Cristina Enea lanzou Hitzontzi, un dicionario en liña de sinónimos en éuscaro do ámbito da agricultura e a gandería dirixido ao alumnado que acode ás hortas escolares e que será quen vaia facendo achegas para enriquecer esta publicación.
Fonte: Noticias de Gipuzkoa
A Universidade do País Vasco presenta 40 novos títulos en éuscaro na Feira de Durango
A Feira de Durango contará cunha caseta do Servizo Editorial da Universidade do País Vasco na que se presentarán 40 novos traballos en éuscaro, entre os que figuran libros de texto ou revistas, entre outros.
Fonte: Universidad del País Vasco
Entréganse os premios Lauaxeta de Honor 2022 que recoñecen o labor de difusión internacional do éuscaro
A Deputación Foral de Biscaia entregou os galardóns da XVIII edición dos premios Lauaxeta a persoas e institucións pola súa traxectoria na difusión internacional do coñecemento e o uso do éuscaro.
Fonte: Diputación Foral de Bizkaia
Celébrase o Día Internacional do Éuscaro
O Palacio Europa de Vitoria-Gasteiz acolleu o acto institucional de celebración do Día Internacional do Éuscaro, con motivo do que as tres deputacións forais, os concellos das tres capitais vascas e o Goberno acordaron unha declaración. O acto serviu, ademais para recordar que a Lei básica de normalización do uso do éuscaro cumpre corenta anos.
Fonte: Gobierno Vasco
O Goberno vasco presenta unha campaña para sensibilizar sobre o uso do éuscaro no comercio e na hostalería
A campaña "Eskatu, eskaini euskaraz" ten como obxectivo fomentar o uso do éuscaro nos establecementos comerciais e hostaleiros. Un total de 124 municipios vascos e as tres deputacións forais, así como mancomunidades e asociacións de comercio e hostalería sumáronse este ano á iniciativa.
Fonte: Gobierno Vasco
Boletín
Subscríbase ao boletín
