O Goberno vasco presentou as conclusións da VIIª Enquisa Sociolingüística da CAE. Entre os datos máis salientables destaca o feito de que o éuscaro gañou 261 000 falantes en trinta anos; que tres de cada catro mozos/as sabe éuscaro; ou que o 67 % da poboación vasca é partidaria da promoción do seu uso.

Fonte: Gobierno Vasco

Na reunión do Consello Asesor do Éuscaro decidiuse destinar no 2023 unha partida de 700 000 euros para a aprendizaxe desta lingua, o que supón un 218 % máis respecto ao ano anterior.

Fonte: Radio Popular

«Hala Birala!» é un programa gratuíto de lecer en éuscaro sobre redes sociais dirixido a menores nacidos nos anos 2011 e 2012. Entre os días 11 e 14 de abril aprenderán a crear, editar e compartir contidos en éuscaro dun xeito fácil e seguro.  

Fonte: Ayuntamiento de Bilbao

Egungo Euskararen Hiztegia, finalizado tras quince anos de traballo, inclúe 70 751 entradas, 251 153 acepcións, 529 227 exemplos e 663 172 conxuntos de palabras. Trátase do dicionario de éuscaro máis detallado na actualidade e pode consultarse na páxina web da Universidade do País Vasco.

Fonte: Universidad del País Vasco

Trátase da oferta de 34 prazas para a Fundación Uliazpi, un organismo autónomo da Deputación Foral de Guipúscoa que presta servizos a persoas con discapacidade intelectual e ás súas familias. Segundo o TSXPV, a esixencia do éuscaro solicitada pola fundación para o 94 % das prazas é excesiva, cando a lei de normalización do éuscaro prevé o 65,5 %, e considera que o dereito de calquera cidadán ou cidadá ao emprego público é o máis importante.

Fonte: EITB

O obxectivo deste rexistro idiomático é poder crear unha oferta integral en éuscaro dos servizos sanitarios nos diferentes niveis de asistencia. A cidadanía poderá rexistrar a lingua na que prefire relacionarse cos seus profesionais e recibir comunicacións a través da nova Carpeta de Saúde ou no seu centro de saúde.

Fonte: Gobierno Vasco

O consistorio lanza unha campaña para que as persoas que naceron entre 2001 e 2004 escollan o éuscaro como lingua de relación co ente municipal, xa que, a partir da maioría de idade, os trámites coa administración aumentan e quere coñecer o idioma que prefire utilizar este sector de entre 18 e 22 anos.

Fonte: El Diario Vasco

A renovación do Centro de Interpretación do Éuscaro ofrece unha experiencia interactiva, innovadora e inmersiva ás persoas visitantes e mostra a evolución desta lingua, o seu carácter inclusivo, a súa transmisión e diversidade, así como os retos de futuro e a riqueza e calidade da cultura vasca.

Fonte: Diputación Foral de Bizkaia

Os cursos van dirixidos a pais e nais con fillos ou fillas de idade escolar, persoas maiores de 55 anos, persoal do comercio e da hostalaría, persoas de orixe estranxeira, empregados e empregadas municipais e outras persoas que se consideren estratéxicas ou prioritarias para desenvolver o Plan de Acción para a Promoción do Uso do Éuscaro.

Fonte: Ayuntamiento de Vitoria-Gasteiz

O Instituto Vasco Etxepare (Etxepare Euskal Institutua) outorgará o premio ao mellor disco en éuscaro, como cada ano desde 2013, para darlle visibilidade e difusión á música independente creada nesta lingua. Na XV edición dos premios MIN poderán inscribirse os traballos publicados durante 2022 e o prazo para a presentación de candidaturas conclúe o 22 de febreiro.

Fonte: Etxepare Euskal Institutua