País Vasco
O Concello de Errenteria destina axudas para poñer en éuscaro os rótulos interiores e exteriores dos establecementos
O Concello de Errenteria subvencionará os rótulos interiores e exteriores en éuscaro dos establecementos do municipio, así como os soportes escritos, web e actividades relacionadas coas novas tecnoloxías.
Fonte: El Diario Vasco
Finaliza en Bilbao a iniciativa ‘Euskaragaz egizu match’ contra os estereotipos e os prexuízos sobre o éuscaro
Mozas e mozos de entre 16 e 25 anos participaron en Bilbao nesta experiencia piloto cuxo obxectivo era acabar cos estereotipos e os prexuízos e fomentar o uso do éuscaro en todos os ámbitos.
Fonte: News ES Euro
O Concello de Bilbao convoca axudas para aprender éuscaro destinadas ás familias
O Concello de Bilbao concede axudas para a aprendizaxe do éuscaro destinadas ao colectivo de nais e pais con fillos e fillas que nacesen a partir de 2009.
Fonte: Bige
Arredor de 14 700 persoas asisten aos exames de acreditación dos niveis de éuscaro
Os exames de acreditación dos niveis de éuscaro, organizados por HABE, tiveron lugar entre o 4 e o 6 de maio. Nesta convocatoria máis da metade das persoas inscritas presentábase ao exame de C1.
Fonte: Gobierno Vasco
O Goberno vasco pon en marcha un plan para impulsar a transmisión familiar do éuscaro
Malia o importante impulso do éuscaro respecto do seu coñecemento entre a poboación, obsérvase unha caída na transmisión desta lingua no ámbito familiar. Por este motivo, o Goberno vasco quere impulsar un plan que contribúa á transmisión lingüística desde a xestación ata a escola.
Fonte: El Independiente
Unha delegación flamenga visita Euskadi para coñecer a realidade lingüística vasca
Unha delegación da comunidade lingüística flamenga de Bruxelas está de visita en Euskadi para, ao longo de cinco días, manter varias reunións para coñecer a situación do éuscaro e as políticas públicas de promoción desta lingua nos ámbitos institucional, educativo ou económico.
Fonte: Gobierno Vasco
O Concello de Amurrio premia as persoas que empreguen o éuscaro en establecementos do municipio
A nova edición da campaña “Eskatu euskaraz eta saria irabazi” conta coa participación de 24 establecementos que facilitarán a comunicación en éuscaro coa súa clientela e animarán todos os consumidores a que se expresen nesta lingua a través da oferta de descontos, agasallos e a oportunidade de gañar 300 euros para gastar nos comercios, empresas de servizos ou bares colaboradores.
Fonte: Noticias de Álava
O Goberno vasco convoca as axudas para o desenvolvemento de proxectos lingüísticos de centro
O Consello de Goberno aprobou a Orde pola que se convocan subvencións destinadas a centros concertados que imparten segundo ciclo de Educación Infantil, Educación Primaria, Educación Secundaria Obrigatoria e Bacharelato que realicen proxectos lingüísticos plurilingües de centro durante o curso 2023-2024.
Fonte: Gobierno Vasco
A Universidade do País Vasco publica unha gramática en liña centrada en describir a lingua vasca
Euskal Gramatika: Egiturak eta Osagaiak (Gramática vasca: estrutura e compoñentes) está dedicada, principalmente, á descrición do idioma, aínda que trata tamén problemas teóricos.
Fonte: Deia
Segundo unha enquisa, o 76 % da poboación dos municipios vascos utiliza o éuscaro
Os datos desta enquisa mostran que o 76 % da poboación maior de 16 anos é euscaldún e o 8 % é quen de entender o éuscaro, pero carece de coñecementos suficientes para falalo.
Fonte: EITB
Boletín
Subscríbase ao boletín
