País Vasco
A Deputación de Áraba elaborará un plan para crear redes de falantes en éuscaro
A Deputación anunciou a elaboración dun plan estratéxico que ten como obxectivo garantir a posibilidade de vivir en éuscaro e favorecer o apoderamento dos falantes desta lingua.
Fonte: Noticias de Álava
O Concello de Bilbao e Euskaltzaindia renovan o seu convenio de colaboración para fomentar o uso do éuscaro
Este convenio de colaboración, que xa leva vixente máis de dúas décadas, ten como obxectivo fomentar o uso e a normalización do éuscaro.
Fonte: Radio Popular
Nove empresas súmanse ao proxecto eusGara para o impulso do éuscaro no ámbito socioeconómico
As nove empresas que acaban de sumarse ao proxecto eusGara mostran así o seu compromiso co emprego do éuscaro e terán á súa disposición as ferramentas necesarias para unha correcta xestión lingüística.
Fonte: Gobierno Vasco
O xornal El Correo organiza unha votación para escoller a palabra que debe perdurar no tempo en éuscaro e castelán
A votación para escoller a Palabra con Futuro 2023, en éuscaro e castelán, estará aberta ata o 8 de outubro. As persoas que desexen participar deben votar unha das incluídas na listaxe de 20 voces elaborada por máis de 300 xornalistas convocados por El Correo.
Fonte: El Correo
O Goberno vasco subvencionará a investigación en tecnoloxías da linguaxe para incrementar a presenza do éuscaro no ámbito dixital
Destinará 1 680 000 euros á Universidade do País Vasco para a investigación de novas técnicas e o fortalecemento da rede de tecnoloxía lingüística para aumentar a presenza do éuscaro no ámbito dixital.
Fonte: Gobierno Vasco
O Goberno vasco e o Concello de Donostia presentan unha aplicación para que o persoal do comercio e a hostalería aprenda éuscaro
A app Erraza da serve para aprender vocabulario básico en éuscaro e está dirixida, principalmente, a profesionais do comercio e a hostalería, aínda que poderá utilizala quen o desexe e, ademais, irá estendéndose a outros sectores.
Fonte: Gobierno Vasco
Nace o proxecto Eskuara para impulsar o éuscaro nas empresas arabesas
O proxecto Eskuara, creado no marco do programa Lanabes, ten como obxectivo incrementar o uso do éuscaro nas empresas arabesas de máis de 50 traballadores/as e favorecer a igualdade lingüística.
Fonte: Gobierno Vasco
Elgoibar ofrece un programa de faladoiros para practicar éuscaro
O Concello de Elgoibar, a asociación Elgoibarko Izarra e os euskaltegis da localidade organizan unha nova edición do programa de faladoiros en éuscaro para mellorar a expresión oral nesta lingua.
Fonte: El Diario Vasco
O Concello de Bilbao organiza unha nova edición de Biribilko, o programa de cursos de éuscaro para comercio e hostalería
No marco do programa Biribilko, o Concello de Bilbao organiza cursos de éuscaro dirixidos a profesionais da hostalería e o comercio co obxectivo de facilitarlles a aprendizaxe desta lingua, así como o seu uso nas relacións profesionais.
Fonte: Ayuntamiento de Bilbao
O Goberno vasco incrementa a dotación das axudas á produción audiovisual en éuscaro
Esta convocatoria de axudas correspondente ao exercicio 2023, inicialmente dotada con 2,43 millóns de euros, incrementarase en 800 000 euros adicionais, que se destinarán a proxectos audiovisuais en éuscaro.
Fonte: Gobierno Vasco
Boletín
Subscríbase ao boletín
