País Vasco
O Goberno vasco subvencionará proxectos piloto para a transformación dixital dos medios de comunicación en éuscaro
HEKIMEN-Euskal Hedabideen Elkartea recibirá en 2023 unha axuda directa de 30 000 euros para desenvolver proxectos piloto que promovan a transformación dixital nos medios de comunicación en éuscaro.
Fonte: Gobierno Vasco
A Universidade de Mondragón dedicará unha xornada ao éuscaro e á interculturalidade
A xornada 'Euskera e interculturalidad en las comunidades educativas: buenas prácticas y nuevas aportaciones' celebrarase o 1 de decembro e nela abordaranse experiencias da Mancomunidade de Municipios Vascos (Uema).
Fonte: El Diario Vasco
Alumnado de secundaria de Errenteria participa nun proxecto sobre diversidade lingüística
Máis de 200 estudantes de Educación Secundaria Obrigatoria dos seis centros educativos de Errenteria traballan na segunda edición dun proxecto sobre diversidade lingüística, da man de Garabide.
Fonte: El Diario Vasco
O Goberno vasco incrementa o orzamento para Política Lingüística en 3,6 millóns de euros para o vindeiro ano
O conselleiro de Cultura e Política Lingüística presentou o orzamento do seu departamento para o vindeiro ano, no que se potenciará o audiovisual en éuscaro e se ampliarán os programas de gratuidade para a aprendizaxe desta lingua.
Fonte: EiTB
Bermeo, Mundaka e Sukarrieta poñen en marcha unha iniciativa para fomentar o éuscaro nas empresas
Estes tres concellos son os responsables da iniciativa Eskueran, coa que buscan impulsar o uso do éuscaro nos establecementos comerciais e hostaleiros, así como nas medianas e grandes empresas dos tres municipios.
Fonte: El Correo
O Goberno vasco aprobará o novo plan de accións para a normalización do éuscaro antes de que finalice o ano
Neste novo período de planificación incidirase, principalmente, nas seguintes áreas: ámbito educativo; deporte, especialmente infantil e xuvenil; ámbito sociolaboral; e mundo dixital.
Fonte: Noticias de Gipuzkoa
Bilbao actualizará o seu plan de éuscaro o vindeiro ano
Bilbao actualizará en 2024 o seu plan de normalización do uso do éuscaro para alcanzar unha Administración bilingüe; ampliará as axudas para a aprendizaxe desta lingua; desenvolverá novas campañas; e fortalecerá o grupo de tradutores e intérpretes.
Fonte: Deia
Bilbao acolle unha manifestación para denunciar a ofensiva xudicial contra o éuscaro
Unha multitudinaria manifestación, convocada por Kontseilua, percorreu as rúas de Bilbao para denunciar varias sentenzas que anularon normativa dirixida a promover o éuscaro ou concursos públicos de emprego nos que se esixían coñecementos desta lingua.
Fonte: La Vanguardia
Un estudo analiza o coñecemento do éuscaro da poboación estranxeira que reside no País Vasco
O informe Actitudes de la población de origen extranjero hacia el euskera, elaborado pola Fundación Begirune, conclúe que case un 85 % das persoas de orixe estranxeira non sabe nada de éuscaro; un 10 % ten nocións básicas; e un 5 % conta cun coñecemento medio ou alto desta lingua.
Fonte: Noticias de Gipuzkoa
O Goberno vasco subvenciona as xornadas Xare para promover a cultura dixital en éuscaro
Por medio dunha subvención de 35 000 euros, o Goberno vasco colaborará na organización das xornadas Xare, cuxo obxectivo é que a mocidade coñeza os recursos dixitais en éuscaro e fomentar o uso desta lingua no ámbito das TIC.
Fonte: Gobierno Vasco
Boletín
Subscríbase ao boletín
