País Vasco
Máis de cen traballos sobre o éuscaro preséntanse ao concurso de creatividade audiovisual Arnasetik
O concurso de creatividade audiovisual Arnasetik recibiu un total de 112 traballos sobre temas relacionados co éuscaro elaborados por mozas e mozos de entre 10 e 16 anos.
Fonte: Gobierno Vasco
Máis da metade do alumnado da Universidade do País Vasco está matriculado en éuscaro este curso
A Universidade do País Vasco presentou un informe sobre a situación e a evolución do éuscaro na institución. Neste estudo conclúese que o 54 % do alumnado está matriculado en éuscaro e o 66 % do persoal docente e investigador é bilingüe.
Fonte: Onda Vasca
Cinco entidades financeiras presentan as súas iniciativas para promover o uso do éuscaro
Bankoa-Abanca, CaixaBank, Rural Kutxa, Kutxabank e Laboral Kutxa anunciaron as iniciativas postas en marcha para promover o uso do éuscaro nas entidades financeiras e garantir os dereitos lingüísticos da súa clientela.
Fonte: Gobierno Vasco
EITB e Tabakalera organizan unha iniciativa para impulsar a ficción sonora en éuscaro
A iniciativa Audiogile Berriak ten como obxectivo impulsar a ficción sonora en éuscaro mediante unha convocatoria que servirá para escoller tres proxectos que se converterán en guións e que recibirán 2000 euros para o seu desenvolvemento.
Fonte: Noticias de Gipuzkoa
Un total de 41 clubs de Getxo asina un convenio para fomentar o éuscaro no deporte
Estes 41 clubs de Getxo asinarán un dos convenios do proxecto Gehitu Kirolak co obxectivo de aumentar o uso do éuscaro nas asociacións e actividades deportivas.
Fonte: El Correo
O Goberno vasco subvencionará proxectos piloto para a transformación dixital dos medios de comunicación en éuscaro
HEKIMEN-Euskal Hedabideen Elkartea recibirá en 2023 unha axuda directa de 30 000 euros para desenvolver proxectos piloto que promovan a transformación dixital nos medios de comunicación en éuscaro.
Fonte: Gobierno Vasco
A Universidade de Mondragón dedicará unha xornada ao éuscaro e á interculturalidade
A xornada 'Euskera e interculturalidad en las comunidades educativas: buenas prácticas y nuevas aportaciones' celebrarase o 1 de decembro e nela abordaranse experiencias da Mancomunidade de Municipios Vascos (Uema).
Fonte: El Diario Vasco
Alumnado de secundaria de Errenteria participa nun proxecto sobre diversidade lingüística
Máis de 200 estudantes de Educación Secundaria Obrigatoria dos seis centros educativos de Errenteria traballan na segunda edición dun proxecto sobre diversidade lingüística, da man de Garabide.
Fonte: El Diario Vasco
O Goberno vasco incrementa o orzamento para Política Lingüística en 3,6 millóns de euros para o vindeiro ano
O conselleiro de Cultura e Política Lingüística presentou o orzamento do seu departamento para o vindeiro ano, no que se potenciará o audiovisual en éuscaro e se ampliarán os programas de gratuidade para a aprendizaxe desta lingua.
Fonte: EiTB
Bermeo, Mundaka e Sukarrieta poñen en marcha unha iniciativa para fomentar o éuscaro nas empresas
Estes tres concellos son os responsables da iniciativa Eskueran, coa que buscan impulsar o uso do éuscaro nos establecementos comerciais e hostaleiros, así como nas medianas e grandes empresas dos tres municipios.
Fonte: El Correo
Boletín
Subscríbase ao boletín
