País Vasco
O Concello de Barakaldo aproba o Plan estratéxico de normalización do uso do éuscaro
O novo Plan estratéxico de normalización do uso do éuscaro, que terá unha vixencia ata o ano 2027, é froito da participación do persoal técnico de diferentes áreas e organismos municipais, así como responsables políticos do Concello.
Fonte: En Barakaldo
O Concello de Lezo traballa na elaboración do seu sétimo Plan de normalización do uso do éuscaro
O Concello de Lezo presentoulle ao seu persoal este novo plan, que comezará coa elaboración dun diagnóstico para coñecer o uso e a xestión lingüística actual.
Fonte: Lezoko Udala
Unha nova ferramenta impulsará a difusión internacional da literatura en éuscaro e a súa tradución a outras linguas
Etxepare Euskal Institutua presentou esta nova ferramenta que busca a difusión internacional da literatura en éuscaro e o fomento da súa tradución a outras linguas a través dun portal con mostras literarias traducidas ao francés ou ao inglés.
Fonte: Gobierno Vasco
O Concello de Abanto Zierbena aproba un plan de fomento do éuscaro
O plan para fomentar o emprego do éuscaro no Concello de Abanto Zierbena ten previstos tres retos para os vindeiros anos: ofrecer os servizos en éuscaro, incrementar o seu uso oral entre o persoal e os responsables políticos, e impulsar unha correcta xestión do plan de uso.
Fonte: EnAbantoZierbena
O Concello de Donostia organiza cursos específicos de éuscaro para profesionais do comercio e da hostalería
Estes cursos de éuscaro para profesionais do comercio e a hostalería, que se imparten nos euskaltegis da cidade, teñen unha duración de 60 horas e un custo de 60 euros.
Fonte: Donostik
O Concello de Bilbao pon en marcha unha nova edición do programa de lecer en éuscaro «Ikusi eta Ikasi»
O programa «Ikusi eta Ikasi», que fai 21 anos, inclúe 60 actividades de ocio familiar en éuscaro destinadas a menores de 2 a 11 anos que chegarán aos diferentes distritos da cidade nos meses de febreiro e marzo.
Fonte: Ayuntamiento de Bilbao
Un xulgado considera discriminatorio que se esixa o coñecemento do éuscaro para ser policía local
O xulgado contencioso administrativo n.º 3 de Donostia anulou por consideralas discriminatorias as bases dunha convocatoria para dúas prazas de policía municipal na cidade porque se esixía o coñecemento do éuscaro, en concreto, un perfil B2 desta lingua.
Fonte: La Vanguardia
O Goberno vasco organiza un congreso que o axude a incrementar o uso do éuscaro no ámbito laboral
Baixo o título «Languages Lanean», este congreso, que se celebrará os días 18 e 19 de xaneiro en Bilbao, abordará a xestión lingüística no mundo laboral para coñecer experiencias que axuden ao incremento no uso do éuscaro neste ámbito.
Fonte: Deia
Un estudo analiza a influencia do contexto social e ideolóxico no éuscaro
Naroa Anabirtate é a autora do traballo Things that are (said) and things that are not: A brief look at the ideological context of the Basque lenguage, no que analiza a importancia dos contextos ideolóxicos na evolución do éuscaro.
Fonte: Noticias de Gipuzkoa
O cumprimento do perfil lingüístico no Servizo Vasco de Saúde non será obrigatorio para o persoal sanitario extracomunitario
O persoal médico e de enfermería extracomunitario que desexe acceder ao Servizo Vasco de Saúde poderá facelo sen cumprir o perfil lingüístico, aínda que o coñecemento do éuscaro si será obrigatorio para quen acceda a través dunha Oferta Pública de Emprego.
Fonte: Redacción Médica
Boletín
Subscríbase ao boletín
