País Vasco
Basauri acolle un campionato que recoñece os clubs que traballan na promoción do éuscaro no deporte
O campionato deportivo “EUTSI kirolari, GOGOR euskarari!” recoñece o labor dos clubs de Basauri e outros once municipios a prol do fomento do uso do éuscaro no deporte.
Fonte: Bidebieta
O Goberno vasco convoca subvencións para os centros concertados que participen no programa Ullibarri de normalización lingüística
Aprobouse a orde que establece as axudas máximas para o curso 2023-2024, destinadas aos centros concertados que formen parte do Programa Ulibarri de normalización lingüística, ao que se destinarán 1,2 millóns de euros.
Fonte: Gobierno Vasco
O Concello de Éibar abre o prazo de solicitude de subvencións para poñer rótulos en éuscaro
Mediante a concesión destas axudas o Concello de Éibar pretende incrementar a presenza do éuscaro na paisaxe lingüística do municipio, coa incorporación desta lingua a rótulos, inscricións ou outros elementos da imaxe corporativa de establecementos comerciais e industriais ou sedes de entidades asociativas.
Fonte: Eibarko Udala
O concurso Euspot premia na edición deste ano os mellores anuncios en éuscaro sobre ciencia e tecnoloxía
O concurso Euspot, que naceu en 2001 para impulsar a creación de anuncios en éuscaro, chegou á súa edición número 12 na que se alcanzou unha participación histórica con 149 candidaturas, 54 máis que o ano anterior.
Fonte: Irekia
O Goberno vasco calcula un prazo de dez anos para garantir a atención en éuscaro á cidadanía
O Goberno vasco prevé un horizonte temporal de dez anos para garantir os dereitos lingüísticos da cidadanía na súa relación coa Administración no marco do proxecto para a renovación do decreto que regula a normalización do uso do éuscaro no sector público.
Fonte: EITB
O Goberno vasco crea unha app para medir o nivel de lectura en éuscaro e castelán
Tras detectar que a competencia lectora segue a ser unha materia pendente en Euskadi, o Departamento de Educación desenvolveu a aplicación ITT para medir o rendemento en lectura do alumnado de Primaria tanto en éuscaro como en castelán.
Fonte: Deia
O Goberno vasco aproba as subvencións para proxectos da convocatoria Euskalgintza, de promoción e difusión do éuscaro
O Consello de Goberno destina 1,7 millóns de euros aos proxectos de Euskalgintza, que buscan o fomento e a normalización do éuscaro. Ademais, este ano a convocatoria conta cunha nova modalidade de proxectos, que teñen como obxectivo a creación e difusión audiovisual.
Fonte: Gobierno Vasco
O Goberno vasco premia as asociacións deportivas e as persoas que promoven a normalización do éuscaro no día a día
O Consello de Goberno crea o premio Kiroletik Bagoaz Euskaraz, que ten a súa orixe no Plan de Promoción do Éuscaro no Deporte 2021-2024, para recoñecer as asociacións e os particulares que traballan de forma sistemática para fomentar o uso do éuscaro no ámbito deportivo.
Fonte: Gobierno Vasco
A Xunta de Goberno Local de Vitoria-Gasteiz aproba un novo programa para promover o éuscaro no comercio, na hostalaría e no sector de servizos
Co fin de seguir avanzando nos obxectivos marcados no Plan de Acción para a Promoción do Éuscaro, Vitoria-Gasteiz aposta por priorizar o fomento do éuscaro nos sectores máis próximos á cidadanía e que teñen un grande impacto na vida social da cidade. Para conseguilo, conta cun orzamento de 50 000 euros e levará a cabo unha campaña de sensibilización que pretende responder ás necesidades e dificultades da promoción desta lingua.
Eroski impulsará o uso do éuscaro como estratexia para diferenciarse doutras grandes marcas
Unha das cadeas de supermercados máis emblemática do País Vasco, Eroski, vai fomentar o éuscaro como parte da súa estratexia de diferenciación respecto a outras grandes marcas. Este apoio plasmarase en accións concretas, como a alianza coa Escola Pública Vasca para impulsar o ensino desta lingua.
Fonte: Bilbaohiria
Boletín
Subscríbase ao boletín
