País Vasco
O Concello de Andoain convoca subvencións para impulsar o uso do éuscaro
O Concello de Andoain destinará 9500 euros a cinco novas axudas destinadas a estudantes, empresas, comercios e entidades do municipio.
Fonte: El Diario Vasco
A dobraxe en éuscaro rexorde grazas ás plataformas dixitais
O incremento da dobraxe en éuscaro mellorou as expectativas dos profesionais do sector, sobre todo, grazas á animación, que representa o 85 % do que se dobra.
Fonte: Cadena SER
Os títulos oficiais de éuscaro do Goberno de Navarra e de Iparralde serán automaticamente recoñecidos polo Goberno vasco
O Goberno vasco recoñecerá de maneira automática a validez, na Comunidade Autónoma Vasca, dos títulos oficiais de éuscaro expendidos polo Departamento de Educación do Goberno de Navarra e polo Organismo Público da Lingua Vasca de Iparralde. Así, xa non é necesaria unha análise técnica para lograr a validación dos títulos.
Fonte: Noticias de Navarra
O Observatorio de Dereitos Lingüísticos Behatokia presenta o informe de 2022
Segundo o Observatorio de Dereitos Lingüísticos Behatokia, existen obstáculos para vivir en éuscaro en todos os territorios, así como vulneracións tanto na Administración pública como no sector privado.
Fonte: EITB
O Goberno vasco elabora un manual sobre cláusulas lingüísticas nas contratacións públicas
Un grupo de xuristas está a traballar na elaboración dunha folla de ruta que evite problemas ao realizar as contratacións públicas a partir da análise das últimas sentenzas que fan alusión aos requisitos lingüísticos.
Fonte: Noticias de Gipuzkoa
O Concello de Oiartzun promove a realización da declaración da renda en éuscaro
Con motivo da apertura do prazo para a declaración da renda de 2022, o Concello anima os contribuíntes a presentala en éuscaro e a relacionarse coa facenda foral nesta lingua, posto que esta acción impulsa o idioma e a euscaldunización da administración. Xa o ano pasado, 2239 persoas realizaron o exercicio en éuscaro.
Fonte: El Diario Vasco
O Tribunal Superior de Xustiza do País Vasco rexeita a esixencia do éuscaro ás empresas de transporte escolar
O Tribunal Superior de Xustiza do País Vasco determinou que non se lle pode esixir a unha empresa de transporte escolar que o seu persoal cumpra os mesmos requisitos lingüísticos que o funcionariado, aínda que estea a prestar un servizo á Administración pública.
Fonte: Deia
Apróbanse as subvencións para impulsar a igualdade lingüística en Guipúscoa
Estas subvencións inclúen proxectos e actividades de promoción do éuscaro, plans locais de normalización do uso social do éuscaro, bolsas para prácticas de normalización lingüística, bolsas para prácticas de tradución e proxectos de creación e difusión de contidos en éuscaro mediante o uso das TIC.
Fonte: Diputación Foral de Gipuzkoa
O Goberno vasco destina 2 millóns de euros á convocatoria Lanhitz para incrementar o uso do éuscaro nos centros de traballo
O Consello de Goberno aprobou a convocatoria de Lanhitz para 2023, un programa mediante o que lle outorgan axudas aos centros de traballo para incrementar o uso e a presenza do éuscaro a través de diversos tipos de actividades.
Fonte: Radio Popular
Errenteria e Donostia uniranse cunha cadea humana para poñer en valor o éuscaro unificado
Unha cadea humana formada por 8000 persoas unirá Errenteria e Donostia-San Sebastián co obxectivo de subliñar o valor do éuscaro unificado (euskera batua). Trátase dunha iniciativa impulsada pola Ikastola Orereta e organizada polo proxecto 'Ikastolak Herriari' e Euskaltzaindia.
Fonte: EITB
Boletín
Subscríbase ao boletín
