País Vasco
Ábrese o período de matriculación para os cursos de éuscaro nos centros cívicos de Vitoria
O prazo de matriculación para os cursos de éuscaro do Concello de Vitoria-Gasteiz estará aberto do 5 ao 14 de setembro. Estes cursos van dirixidos a pais e nais, persoas maiores de 55 anos, persoas de orixe estranxeira e persoas empregadas nos sectores do comercio e da hostalería.
Fonte: La Vanguardia
O concurso Mihiluze volverá a EITB co éuscaro e o humor como ingredientes principais
Dez anos despois de que finalizase a súa emisión, o concurso Mihiluze volve á televisión vasca con importantes novidades, pero co mesmo obxectivo de xogar e divertirse co éuscaro.
Fonte: EITB
O Goberno vasco destina 2 millóns de euros a programas de reforzo lingüístico en centros educativos concertados
O Departamento vasco de Educación destinará o vindeiro curso 2 millóns de euros a subvencións para a posta en marcha de programas de reforzo lingüístico en centros de ensino concertados co obxectivo de paliar as dificultades comunicativas relacionadas co descoñecemento das dúas linguas oficiais, éuscaro e castelán.
Fonte: El Correo
Portugalete convoca axudas para a realización de actividades en éuscaro
O Concello de Portugalete concederá subvencións a asociacións sen ánimo de lucro do municipio para a realización en 2022 de actividades que se desenvolvan integramente en éuscaro.
Fonte: Ayuntamiento de Portugalete
O Concello de Estella-Lizarra concede axudas para campamentos en éuscaro e para a aprendizaxe desta lingua
O Concello de Estella-Lizarra aprobou a concesión de axudas económicas para campamentos de verán en éuscaro e para a súa aprendizaxe por parte de persoas maiores de 16 anos.
O Concello de Santurtzi fomenta a aprendizaxe do éuscaro
O Concello de Santurtzi impulsará o coñecemento e o uso do éuscaro no municipio mediante a concesión de axudas entre a poboación que cursou estudos para aprender esta lingua.
Fonte: Deia
O Executivo vasco considera aplicable ao éuscaro o acordo entre o Goberno central e o de Cataluña sobre a lingua catalá
O voceiro do Goberno vasco declarou que a protección de todas as linguas do Estado supón unha obriga constitucional, polo que o acordo sobre o catalán alcanzado na mesa de diálogo pode ser extensible ao éuscaro.
Fonte: NIUS
O Concello de Beasain impulsará o coñecemento do éuscaro para euscaldunizar a cidadanía do municipio
O Pleno da Corporación aprobou as bases para a concesión de subvencións á poboación de Beasain que estude éuscaro nos euskaltegis o próximo curso e que estarán destinadas a persoas maiores de 16 anos que estean empadroadas no municipio.
Fonte: Noticias de Gipuzkoa
O Concello de Galdakao lanza unha campaña para impulsar o éuscaro no comercio, na hostalaría e no ámbito deportivo
Co obxectivo de espertar o interese polo uso do éuscaro na localidade, o Concello crea a iniciativa 'Gu be bai!', para que os clubs deportivos, os comercios e a hostalaría incorporen esta lingua no seu día a día, como, por exemplo, nas súas redes sociais, sinalizacións e sistemas de emisión de facturas.
Fonte: El Correo
O Goberno vasco destina dous millóns de euros para incrementar o uso do éuscaro nos centros de traballo
O Goberno vasco aprobou a convocatoria de axudas dirixida a fomentar o uso e a presenza do éuscaro nos centros de traballo de sectores privados. Algunhas das actividades que se subvencionan son o diagnóstico da situación desta lingua e o desenvolvemento de proxectos lingüísticos estratéxicos.
Fonte: Noticias de Gipuzkoa
Boletín
Subscríbase ao boletín
