Na Administración xeral do País Vasco, máis do 90 % do persoal interino acreditou o perfil lingüístico do seu posto, en función das características do servizo e o traballo que realizan,  o que garante a correcta execución en éuscaro das súas funcións.

Fonte: El Diario

O Plan estratéxico do éuscaro é produto do compromiso da Federación Guipuscoana de Fútbol que, consciente da importancia do deporte para a transmisión da lingua, quere usar o seu liderado e o seu papel como referente para fomentar o seu uso nas relacións internas e externas, nos partidos e nos adestramentos.

Fonte: Noticias de Gipuzkoa

O Concello de Azkoitia modificou as bases para outorgar axudas por aprender éuscaro co obxectivo de garantir a gratuidade.

Fonte: El Diario Vasco

O Parlamento vasco acollerá a primeira parada dunha exposición itinerante que mostrará a través de imaxes e gráficos textos xurídicos en éuscaro de relevancia histórica, do ámbito público e privado.

Fonte: Norte Exprés

Entregaranse axudas a establecementos comerciais e hostaleiros de Vitoria para fomentar a presenza do éuscaro nos seus rótulos, así como en diferentes materiais, como páxinas web.

Fonte: Noticias de Álava

Ambas as universidades levaron a cabo nun centro educativo bilbaíno unha actuación para mellorar a competencia oral en éuscaro do alumnado de ESO. Trátase dunha metodoloxía que consiste nunha conversación continua sobre unha obra da literatura clásica universal.

Fonte: El Correo

A nova edición da campaña “Eskatu euskaraz eta saria irabazi”, á que se adheriron 28 establecementos, ten como obxectivo fomentar o uso do éuscaro en comercios, empresas de servizos e bares do municipio.

Fonte: Noticias de Álava

Este plan ten como obxectivo integrar o éuscaro nas tecnoloxías da lingua, así como reforzar o papel da Administración como tractora no ámbito destas tecnoloxías e reducir a distancia entre o éuscaro e outras linguas.

Fonte: EITB

Este foro está formado por unha rede de empresas que empregan o éuscaro como lingua de traballo e de comunicación coa clientela, e que destacan pola súa xestión lingüística. Nesta edición de 2022 búscase identificar accións e persoas para seguir avanzando nos obxectivos do proxecto.

Fonte: Gasteiz Hoy

A Deputación de Guipúscoa concederá axudas para fomentar a dixitalización do comercio, a hostalería e outras actividades do territorio. Este ano a convocatoria presenta unha novidade e é que estas axudas serán un 20 % superiores se se emiten os tíckets en éuscaro (1200 euros, fronte aos 1000 para os que os emitan en castelán).

Fonte: Diario Vasco