País Vasco
Arranca a edición de 2022 do Foro de Empresas de Áraba para continuar traballando a prol do éuscaro
Este foro está formado por unha rede de empresas que empregan o éuscaro como lingua de traballo e de comunicación coa clientela, e que destacan pola súa xestión lingüística. Nesta edición de 2022 búscase identificar accións e persoas para seguir avanzando nos obxectivos do proxecto.
Fonte: Gasteiz Hoy
As empresas guipuscoanas recibirán máis axudas se emiten as facturas en éuscaro
A Deputación de Guipúscoa concederá axudas para fomentar a dixitalización do comercio, a hostalería e outras actividades do territorio. Este ano a convocatoria presenta unha novidade e é que estas axudas serán un 20 % superiores se se emiten os tíckets en éuscaro (1200 euros, fronte aos 1000 para os que os emitan en castelán).
Fonte: Diario Vasco
A convocatoria Euskalgintza destinará 1 550 000 euros a proxectos de promoción, difusión e normalización do éuscaro na vida social
O Goberno vasco, ao abeiro da convocatoria Euskalgintza, destinará 1 550 000 euros (200 000 euros máis que o ano pasado) a proxectos de fomento do éuscaro na vida social en 2022.
Fonte: Irekia
O Goberno vasco fomentará a inclusión de materias en éuscaro nos ciclos de FP de modelo A
O Parlamento vasco insta o Goberno autonómico a fomentar a inclusión de materias en éuscaro na FP de modelo A (ensino en castelán coa materia de lingua vasca), posto que só o 44 % do alumnado destes ciclos estuda nesta lingua.
Fonte: El Correo
O 80 % do persoal técnico biscaíño do ámbito do deporte conta cun bo coñecemento do éuscaro
A deputada de Éuscaro, Cultura e Deporte fixo balance dos datos de uso desta lingua no ámbito deportivo no territorio biscaíño ao abeiro do programa BIKEE -Bizkaian Kirola Ere Euskaraz. Estes datos mostran que na actualidade o 33 % dos deportistas usa o éuscaro e o 63% son bilingües, mentres que no caso dos adestradores/as, utilízano o 36 %.
Fonte: Deia
Preséntanse as novas liñas de subvencións para promover o uso do éuscaro en Portugalete
O Servizo de Éuscaro impulsa unha liña de axudas destinada á euscaldunización da paisaxe lingüística e da contorna dixital no sector do comercio, hostalaría e servizos de Portugalete e outra liña para a realización de actividades en éuscaro na vila.
Fonte: En Portugalete
Arredor do 45 % das persoas que traballan no ámbito da Xustiza vasca xa acreditou o perfil de éuscaro esixido para a súa praza
O maior uso do éuscaro obsérvase nos colectivos transferido á Administración vasca, mentres que nos colectivos non transferidos o nivel desta lingua continúa a ser baixo. Por territorios, os peores resultados obtéñense en Áraba, onde o 42 % do cadro do persoal conta co perfil esixido, fronte a Guipúscoa, onde esta porcentaxe alcanza o 60 %, ou Biscaia, o 47 %.
Fonte: Norte Exprés
O Concello de Elgoibar lanza un programa de subvencións en materia de éuscaro
O programa de axudas en materia de éuscaro para 2022 deste concello xa está en marcha. As actividades que se poden subvencionar inclúen, entre outros, cursos organizados por universidades, plans para o uso desta lingua nas empresas da localidade ou a instalación de rótulos identificativos en comercios.
Fonte: Diario Vasco
A Deputación de Guipúscoa anima a usar o éuscaro para facer a declaración da renda
O deputado foral de Facenda e Finanzas de Guipúscoa afirma que a campaña da renda é unha boa oportunidade para apostar polo éuscaro, tanto nas oficinas como na presentación da declaración por internet. Así, avanza no seu obxectivo para conseguir que, en 2023, 100 000 guipuscoanos e guipuscoanas se relacionen con Facenda nesta lingua.
Fonte: El Diario
O proxecto Harixa establece as súas futuras liñas de traballo na normalización do uso do éuscaro no ámbito laboral
Na última reunión de traballo deste proxecto fixáronse as liñas de traballo para o futuro, entre as que destaca a visita a empresas para presentarlles a iniciativa, de cara a realizar un diagnóstico da situación lingüística de cada unha e adquirir novos compromisos.
Fonte: Diario Vasco
Boletín
Subscríbase ao boletín
