País Vasco
Ponse en marcha unha campaña para dar a coñecer a cidade de Donostia con palabras en éuscaro
O obxectivo desta campaña turística tan singular é dar a coñecer a cidade de Donostia dun xeito especial, a través dunha das súas principais particularidades: o éuscaro. A iniciativa convida a cidadanía a subir mediante unha foto ou vídeo unha palabra nesta lingua co cancelo #DonostiaHitzetan.
Fonte: Donostia-San Sebastián
O Goberno vasco pon en marcha unha campaña en éuscaro na que deportistas de alto nivel promoven a actividade física na casa
O programa Euskal Kirolari está a compartir vídeos en éuscaro, protagonizados por deportistas vascos (como a surfista Leticia Canales, os futbolistas Ibai Gómez e Luca Sangalli, o ciclista Mikel Landa ou a remeira Nerea Pérez), co obxectivo de fomentar a actividade física na casa durante o confinamento.
Fonte: Gobierno Vasco
O Executivo vasco destinará 400 000 euros en 2020 á promoción do éuscaro en Iparralde
O Goberno de Euskadi e a Oficina Pública da Lingua Vasca de Iparralde comprometéronse a colaborar no impulso do éuscaro en 2020 e definiron as liñas de traballo para este ano, así como as asignacións económicas que se destinarán á promoción desta lingua no País Vasco francés.
Fonte: El Diario Vasco
Ponse en marcha en Tolosa unha iniciativa para practicar éuscaro desde a casa mentres dure o confinamento
A organización Galtzaundi Euskara Taldea lanza a iniciativa 'Itxialdian euskaraz" para practicar éuscaro desde a casa mentres dure o confinamento. Con esta idea preténdese impulsar a práctica desta lingua en liña, a través de videochamadas, e en grupo, poñendo en contacto persoas que queren aprendela con outras que as queren axudar.
Fonte: Noticias de Gipuzkoa
O Concello de Elgoibar convoca axudas para dar continuidade á promoción do éuscaro
O Concello de Elgoibar comunicou as subvencións para o ano 2020, que inclúen axudas para a aprendizaxe do éuscaro e para o fomento da presenza desta lingua en establecementos comerciais, así como o seu uso no ámbito empresarial.
Fonte: Diario Vasco
Un vídeo co himno do Athletic Club serve como lección para aprender éuscaro
Beñat Erezuma, profesor de Tecnoloxía, puxo en marcha hai uns anos a canle de YouTube “Euskara Satorra: aprender euskera con vídeos” que conta con arredor de 17 000 subscritores. Agora ofrece unha das súas leccións a través do himno do Athletic Club nun vídeo no que traduce e explica a súa letra.
Fonte: El Desmarque
O Goberno vasco pon en marcha o programa Berdintzen que permitirá a realización de investigacións sobre éuscaro e xénero
Garbiñe Bereziatua, Beñat Muguruza, Onintza Legorburu e Nekane Goikoetxea realizarán investigacións sobre éuscaro e xénero no marco da primeira edición do programa Berdintzen, impulsado polo Goberno vasco.
Fonte: Gobierno Vasco
O Club Hiru3 ofrece actividades e contidos en éuscaro para os máis pequenos durante o confinamento
Co obxectivo de facerlles máis divertidos ás nenas e aos nenos os días de confinamento, o Club Hiru3 ofrece diversas actividades e contidos en éuscaro, como vídeos, dinámicas participativas, debuxos animados e series etc.
Fonte: EITB
Preséntase a primeira plataforma vasca de transcrición e subtitulación automática de audio e vídeo
Elhuyar presentou o seu recoñecedor da fala chamado Aditu, unha plataforma para a transcrición e a subtitulación automática de audios e vídeos. Trátase dunha ferramenta de pago que permite subtitular e transcribir discursos, conversacións e distintos enunciados en éuscaro e castelán.
Fonte: 20minutos
Unha investigadora analiza os usos lingüísticos do alumnado dunha escola biscaíña
A investigadora Eider Saragueta estudou os usos lingüísticos, a identidade e os saltos entre linguas do alumnado dunha escola biscaíña de modelo D que cursaba 5º e 6º de Educación Primaria.
Fonte: Columna Cero
Boletín
Subscríbase ao boletín
