País Vasco
Dous emprendedores crean unha aplicación para aprender éuscaro
O obxectivo do Método SyD é achegar o éuscaro ao maior número de persoas posible dun xeito divertido a través dunha aplicación móbil que, polo momento, só está dispoñible para dispositivos Android.
Fonte: Euskadi Noticias
O Concello de Vitoria presenta unha iniciativa para promover o éuscaro na hostalería e no comercio
O concello presentou esta nova campaña, denominada Gasteizen bai, que fomentará o uso do éuscaro en comercio e hostalería e recoñecerá os profesionais do sector nesta materia.
Fonte: Euskadi Noticias
Concellos e mancomunidades de Biscaia recibirán da Deputación Foral axudas para o fomento do éuscaro
En total, neste 2020 destinarase unha partida de 800 000 euros a subvencionar actividades de concellos, organismos autónomos municipais e mancomunidades dirixidas á promoción, difusión ou normalización do uso do éuscaro.
Fonte: La Vanguardia
A Deputación de Biscaia destinará subvencións a persoas xurídicas sen ánimo de lucro que fomenten o uso do éuscaro
En total destinaranse 1 060 000 euros a subvencionar persoas xurídicas sen ánimo de lucro que realicen actividades de promoción, difusión ou normalización do uso do éuscaro en 2020.
Fonte: La Vanguardia
Sobe o número de visitas á web da Academia da Lingua Vasca
Durante o ano 2019, o sitio web da Euskaltzaindia, ou Academia da Lingua Vasca, recibiu un total de 800.204 visitas, o que representa unha suba do 61,19 % respecto ao ano anterior.
Fonte: La Vanguardia
Estudar éuscaro ata o nivel B2 será gratuíto en Guipúscoa
A Deputación de Guipúscoa comprométese, co acordo asinado coa Consellería de Política Lingüística do Goberno vasco, a destinar 42 457 euros á liña de axudas dirixida ao alumnado dos euskaltegis, que asegura dende 2020 a gratuidade dos estudos de éuscaro ata a acreditación do nivel B2 segundo o marco europeo.
Fonte: Noticias Press
Arranca de novo en xaneiro Darabilbo, o programa de actividades en éuscaro do Concello de Bilbao
Este proxecto, posto en marcha polo concello bilbaíno en colaboración cos euskaltegis, busca promover o uso do éuscaro no tempo libre, especialmente entre persoas que están aprendendo, con actividades para xaneiro como talleres gastronómicos, degustacións, visitas guiadas a museos e sesións de danza vasca.
Fonte: Noticias Press
O Goberno vasco presenta un plan para impulsar o éuscaro no ámbito socioeconómico
O Plan de promoción do éuscaro no ámbito socioeconómico 2020-2023 busca, entre outros, mellorar a competencia nesta lingua do persoal que traballa cara ao público, axudar no avance das competencias lingüísticas nas empresas e organizar campañas de sensibilización para promover a demanda de servizos en éuscaro.
Fonte: EITB
Unha nova aplicación completa o servizo do tradutor automático neuronal Itzuli
Itzuli, o tradutor automático neuronal de éuscaro a castelán, realiza 50 000 traducións diarias de media na súa versión web. Agora, a nova app para dispositivos iOS e Android complementa esta ferramenta e presenta como principal novidade a posibilidade de introducir texto a través da voz.
Fonte: Diario Vasco
Dezaoito entidades guipuscoanas comprometidas coa promoción do éuscaro celebran un encontro para valorar os avances
Estas 18 entidades guipuscoanas uníronse en 2016 ao programa Gipuzkoa Berdinago para promover o uso do éuscaro nos seus ámbitos de actuación e agora danse cita na xornada Etorkizuna Eraikiz Gunea para coñecer os avances do programa.
Fonte: Noticias de Guipuzkoa
Boletín
Subscríbase ao boletín
