País Vasco
A Universidade de Deusto realizará un estudo sobre o uso do éuscaro no Gran Bilbao
O Consello de Goberno aprobou unha subvención de 35 000 euros para a realización dun estudo sobre as prácticas lingüísticas dunha vintena de mozos e mozas para coñecer o uso do éuscaro no Gran Bilbao. Será o Instituto de Estudos Vascos da Universidade de Deusto o destinatario da axuda e o encargado de realizar esta tarefa.
Fonte: NoticiasPress
EiTB estrea 'Puntu Koma', a gañadora do concurso de series dixitais en éuscaro
Esta serie, creada por Maialen Sorzabalbere e Amaia Vermello, comezará a emitirse na web de series dixitais de EiTB despois de gañar o concurso da plataforma audiovisual Next Station. Ademais deste premio, o proxecto Puntu Koma foi tamén recoñecido con varios galardóns internacionais, como o Asia Web e o Accolade Global Competition.
Fonte: eitb.eus
Nace en Guipúscoa o laboratorio de creación de contidos audiovisuais en éuscaro "2deo"
No marco da estratexia 'Etorkizuna eraikiz' (Construíndo futuro), este proxecto está configurado como un laboratorio de investigación e desenvolvemento do sector. O seu obxectivo principal será dinamizar a creación de contidos audiovisuais en éuscaro para asegurar o futuro e o recoñecemento do idioma.
Fonte: Diario Vasco
O Concello de Guetxo ofrece axudas económicas a mozos e mozas que realicen o exame teórico de conducir en éuscaro
Estas axudas, valoradas en 100 euros, van dirixidas a todas as persoas de entre 17 e 23 anos que opten por realizar o exame teórico de conducir en éuscaro. Trátase dunha medida que busca impulsar o idioma e que se enmarca dentro da iniciativa «Gidabaimena euskeraz», que conta coa colaboración de diversos concellos de Biscaia.
Fonte: ABC
O Concello de Lezo abre o prazo para acceder ás subvencións anuais para aprender éuscaro
O obxectivo principal destas axudas é impulsar o uso e a mellora do éuscaro no municipio. Por iso, ofértanse subvencións para varios tipos de cursos, entre os que se poden atopar cursos de verán, cursos para aprender éuscaro no Euskaltegi ou, mesmo, para obter o título de monitor ou director de tempo libre.
Fonte: El Diario Vasco
Hondarribia aproba en Pleno o Plan de normalización do éuscaro ata 2022
O Concello de Hondarribia aprobou por unanimidade nunha sesión extraordinaria do Pleno o Plan de normalización do éuscaro 2018-2022.
Fonte: Gipuzkoa Gaur
Danse a coñecer os premios aos mellores proxectos de fin de carreira en éuscaro
Xa foron publicados os premios aos mellores proxectos de fin de carreira en éuscaro. Neste caso, foron uns estudantes da Escola Politécnica Superior da Unversidade de Mondragón os galardoados.
Fonte: Diaro Vasco
Ábrese a convocatoria para subvencionar a aprendizaxe do éuscaro en Bilbao
A Área de Éuscaro e Educación do Concello de Bilbao abriu, de novo, a convocatoria de axudas a pais, nais e monitores de tempo libre que desexen aprender o idioma. Esta subvención, que o ano pasado cubriu a 299 persoas, axudaría a aboar a aprendizaxe da lingua, dotación que se concederá en función dos criterios que se esixen nas bases.
Fonte: La Vanguardia
Celébrase un ano máis o concurso de anuncios en éuscaro Euspot
Este ano volve celebrarse Euspot, un concurso de anuncios en éuscaro. Nesta ocasión, presentáronse 98 traballos, 25 máis que o ano pasado. Para decidir o gañador, está xa aberto o voto popular, co que cada votante poderá elixir o anuncio que máis lle guste de entre os presentados.
Fonte: El Diario Vasco
A Fundación Puntueus fai un chamamento para impulsar o emprego do éuscaro no ámbito dixital
A Fundación Puntueus, responsable do dominio web .eus, fixo un chamamento a reforzar a oferta de contidos dixitais en éuscaro, con motivo da celebración do Día de Internet. Recalcaron que a súa vitalidade dixital mellorou, xa que os contidos publicados a través dos dominios .eus son maioritariamente nesta lingua, aínda que falta presenza noutras áreas, como a audiovisual.
Fonte: eitb
Boletín
Subscríbase ao boletín
