País Vasco
Finaliza EuskarAbentura, a expedición que percorre o País Vasco e Navarra para promover e normalizar o uso do éuscaro
Esta expedición de mozos e mozas de entre 16 e 17 anos percorreu un total de 783 quilómetros no País Vasco e Navarra co fin de promover a cultura e lingua vascas.
Fonte: EuskarAbentura
O Goberno Vasco impulsa un programa bienal para promover o uso do éuscaro
A iniciativa do Goberno Vasco para impulsar o uso cotián do éuscaro, Euskaraldia, pasará a ter periodicidade bienal e a súa duración será agora de 15 días.
Fonte: Deia
O filme en galego "O que arde" de Óliver Laxe competirá polo Premio do Público do Festival de Cine de San Sebastián
O filme O que arde do director galego Óliver Laxe competirá polo Premio do Público na próxima edición do Festival Internacional de Cinema de San Sebastián. Pola súa banda, o cineasta galego Eloy Enciso levará o seu filme Longa Noite ao festival de cinema de Locarno (Suíza).
Fonte: Cultura Galega
A académica Rosario Álvarez fala en Donostia sobre as gramáticas do século XXI
A directora da Sección de Lingua da Real Academia Galega, Rosario Álvarez, participou na xornada sobre as gramáticas no século XXI organizada por Euskaltzaindia na cidade de Donosita.
Fonte: RAG
Publícanse axudas para o uso do éuscaro en rótulos comerciais en Eibar
O Concello guipuscoano de Eibar publicou un conxunto de subvencións para promover o uso do éuscaro en rótulos de locais comerciais, industriais ou asociacións. A idea é facer máis común o uso da lingua vernácula na paisaxe lingüística da localidade.
Fonte: El Diario Vasco
Preséntase un dicionario con 215 palabras para turistas en éuscaro e outras linguas
A localidade guipuscoana de Oñati publicou un dicionario para promocionar o coñecemento de palabras básicas en éuscaro e outras linguas como o galego entre os turistas que se acheguen á zona.
Fonte: El Diario Vasco
Un curso de verán do Instituto Vasco Etxepare analizará o impacto do contorno dixital na ensinanza do éuscaro
Diferentes expertos de educación e tecnoloxía danse cita no curso Excelecia de estudos vascos, organizado polo Instituto Vasco Extepare, para analizar o impacto dixital tanto no ensino do idioma vasco como na súa cultura.
Fonte: EITB
O Goberno Vasco destinará 400 000 euros a impulsar o éuscaro no País Vasco francés
O Goberno Vasco achegará a cantidade de 400 000 euros ao fomento do éuscaro no País Vasco francés. Esta cifra sumarase ao millón e medio de euros que achegará tamén a Oficina Pública da Lingua Vasca de Iparralde. Este fondo común será empregado para impulsar a ensinanza do idioma, o labor dos euskaltegis, os medios de comunicación en éuscaro ou proxectos de lecer vinculados a esta lingua.
Fonte: Diario Vasco
A Real Academia da Lingua Vasca edita un dicionario histórico-etimolóxico para coñecer a orixe do éuscaro
Lévase completando dende 2009 e conta con 2600 entradas polo momento e máis de 200 familias de palabras. Neste dicionario detállase a orixe das palabras e, nun futuro, está previsto que estea dispoñible tamén en formato dixital.
Fonte: El País
O Concello vasco de Eibar abre o prazo para solicitar axudas para a rotulación dos negocios en éuscaro
O obxectivo destas subvencións é mellorar a presenza do éuscaro entre os negocios da cidade. Por iso, outorgaranse axudas para cambiar de idioma os rótulos principais dos negocios, para as inscricións do interior dos locais e para mellorar as imaxes corporativas, entre outras accións.
Fonte: Diario Vasco
Boletín
Subscríbase ao boletín
