O novo proxecto da Lei xeral de comunicación audiovisual exclúe o galego, o catalán e o éuscaro nas plataformas como Netflix, HBO ou Amazon Prime. A norma indica que, polo menos, a metade da cota dedicada a obras europeas debe reservarse ao castelán ou ás linguas cooficiais autonómicas, pero non establece unha porcentaxe concreta para estas últimas.   

Fonte: Naiz

A edición deste ano da Mostra de Venecia amosará a riqueza lingüística do cine español. Así, proxectarase unha longametraxe filmada en galego, Eles transportan a morte; o éuscaro estará presente por primeira vez grazas á curta Heltzear; e o catalán escoitarase no filme Tres.

Fonte: El País

A lei prevé reforzar a inclusión educativa a través da incorporación das linguas de signos españolas á súa oferta e contribuír á eliminación das barreiras de comunicación para a integración social das persoas xordas, con discapacidade auditiva ou xordocegas.

Fonte: Diario Siglo XXI

O sector audiovisual catalán busca protexer a lingua e a cultura catalás e critica que a Lei Xeral de Comunicación Audiovisual que prepara o Goberno español non garante a oferta nas linguas cooficiais nin considera investir na produción independente local.

Fonte: Coffeesp

A empresa estadounidense facilítalles aos seus usuarios a opción de empregar o catalán nos paneis de control e nos manuais dos seus vehículos.

Fonte: Racó Català

O Ministerio de Educación propón inculcar un maior coñecemento sobre a diversidade lingüística e familiarizar o alumnado de Primaria coa realidade plurilingüe e multicultural do país, así como cos valores comunitarios, na aplicación da lei Celaá.

Fonte: El Confidencial

O Ministerio de Política Territorial e Función Pública solicítalles ás comunidades autónomas que designen un membro do seu persoal para impulsar o cumprimento das obrigacións en materia de linguas, como a tradución de documentos, o acceso ás páxinas web nas linguas oficiais ou a atención á cidadanía.

Fonte: Galicia Confidencial

Varias institucións políticas e académicas levan traballando os últimos tres anos no proxecto transfronteirizo Linguatec, unha cooperación que porá ao servizo do éuscaro, o aragonés e o occitano os últimos avances en intelixencia artificial.

Fonte: Swissinfo

O director xeral de Discapacidade do Ministerio de Dereitos Sociais anuncia que abrirá un expediente para declarar as linguas de signos española e catalá, e as súas expresións culturais, como bens de patrimonio cultural inmaterial. O obxectivo é garantir a súa difusión, documentación, investigación e preservación.

Fonte: El Plural

O Centro de Normalización Lingüística da Lingua de Signos Española puxo a disposición da cidadanía este corpus que inclúe unha gran cantidade de textos signados que pretende servir de base para a investigación ou a formación.

Fonte: Servimedia