Xeral
O Goberno central avala a política lingüística e o modelo de ensino de linguas da Xunta de Galicia
O Goberno central elaborou un informe, no que avala a política lingüística e o modelo de ensino de linguas implantado pola Xunta de Galicia, en resposta ás recomendacións do comité de ministros do Consello de Europa relativas á aplicación da Carta europea de linguas rexionais e minoritarias.
Fonte: Galicia Confidencial
A RAE presenta unha actualización do Corpus do Español do Século XXI
A RAE, en colaboración coa Asociación de Academias da Lingua Española, presentou unha nova actualización deste corpus que conta así con máis de 333 millóns de formas ortográficas, procedentes de textos escritos e de transcricións de textos orais.
Fonte: La Vanguardia
As academias galega, vasca e catalá reivindican a diversidade lingüística como riqueza
A Real Academia Galega, a Euskaltzaindia e o Institut d'Estudis Catalans fan pública unha declaración que ten como obxectivo contribuír a aclarar o debate público acerca da presenza das linguas na educación e no conxunto da realidade social.
Fonte: Real Academia Galega
A compañía xaponesa Espon traduce ao catalán guías e manuais de instalación dos seus produtos
Epson pon a disposición dos consumidores a versión en catalán dos menús dos seus dispositivos, así como guías de usuario e manuais de instalación de máis de mil produtos da compañía, tanto en versión dixital como en papel.
Fonte: Generalitat de Catalunya
Un estudo identifica 127 palabras ou expresións en español que compoñen unha nova linguaxe relacionada coa actual crise sanitaria
O doutor en Filoxoxía Rafael Rodríguez-Ponga identificou 127 palabras ou expresións que compoñen unha nova linguaxe covídica e que recolle no libro Pandemia y resiliencia: aportaciones académicas en tiempos de crisis. Trátase de neoloxismos prestados do inglés ou de nova creación, popularización de termos científicos ou xurídicos, xeneralización de siglas...
Fonte: La Vanguardia
Un total de 33 entidades locais aproba a moción de apoio á unidade da lingua catalá
Un total de 33 concellos, consellos comarcais e outras entidades de ámbito local aprobou nos seus respectivos plenos a moción impulsada pola Plataforma per la Llengua na que lles demanda aos parlamentos de Aragón, Comunidade Valenciana, illas Baleares e Cataluña que recoñezan a unidade da lingua catalá.
Fonte: Plataforma per la Llengua
A RAE elixe “confinamiento” como palabra do ano
A Fundación do Español Urxente (FundéuRAE), promovida pola Real Academia Española (RAE), escolleu “confinamiento” como palabra do ano 2020 en español. A RAE xa actualizou o significado desta palabra no seu dicionario.
Fonte: FundéuRAE
O Goberno español creará unidades nos ministerios para favorecer o emprego das linguas oficiais autonómicas
Co obxectivo de impulsar o uso das linguas oficiais autonómicas dentro da Administración Xeral do Estado (AGE), os ministerios contarán con unidades nas que se designará unha persoa como interlocutora coa Oficina de Linguas.
Fonte: El Diario
A RAE e Telefónica colaboran en intelixencia artificial no marco do proxecto LEIA
A Real Academia Española (RAE) e Telefónica continúan coa súa colaboración en intelixencia artificial ao abeiro de LEIA, un proxecto que ten como obxectivo principal impulsar un maior e mellor uso do español no mundo dixital, para o cal puxeron marcha dúas iniciativas: creación de retos lingüísticos e fomento da investigación na universidade.
Fonte: RAE
A Asociación de Farmacéuticos Euscaldúns conmemora o seu 25 aniversario traballando para impulsar o uso do éuscaro nas farmacias
A Asociación de Farmacéuticos Euscaldúns (Feuse), da que forman parte farmacias de Navarra e Euskadi, celebra o seu 25 aniversario facendo balance do seu traballo a prol do uso do éuscaro neste tipo de establecementos, período no que destacan un dicionario castelán-éuscaro específico, premios ou unha revista dixital, entre outras actividades.
Fonte: Noticias de Navarra
Boletín
Subscríbase ao boletín
