Xeral
As plataformas audiovisuais deberán ofertar o 6 % dos seus contidos en galego, éuscaro ou catalán
Plataformas audiovisuais como Netflix, HBO ou Amazon Prime Video deberán ofrecer un 6 % dos seus contidos en galego, catalán ou éuscaro. Así se recollerá na nova lei audiovisual que prepara o Goberno español, que ademais tamén obrigará a incorporar subtítulos nestas linguas sempre que sexa posible.
Fonte: El Periódico
As televisións autonómicas À Punt, IB3 e TV3 lanzan unha plataforma dixital para a colaboración lingüística e cultural
Cataluña, Baleares e a Comunidade Valenciana crean unha canle dixital para afianzar os lazos lingüísticos e culturais que as unen. Bon Dia TV convértese así nunha plataforma web para compartir contidos audiovisuais en lingua catalá.
Fonte: El Diario
O Ministerio de Cultura e Deporte promoverá o galego, o catalán e o éuscaro nas plataformas dixitais
O ministro de Cultura e Deporte anunciou a posta en marcha de medidas na futura lei do audiovisual co obxectivo de incrementar a presenza do galego, o catalán e o éuscaro en plataformas dixitais como Netflix, HBO ou Filmin.
Fonte: El Diario
A maioría das grandes marcas do sector téxtil xa etiqueta as súas prendas en catalán
O catalán deixou de ser residual na industria téxtil e a grandes marcas que inclúen etiquetaxe nesta lingua representan o 65 % da facturación do sector en España.
Fonte: Plataforma per la Llengua
A nova edición do Viquimarató de la Llengua Catalana centrarase na música en catalán
Do 5 ao 12 de novembro celébrase o VIII Viquimarató de la Llengua Catalana, iniciativa que este ano estará centrada na música cantada en catalán. O obxectivo é mellorar e ampliar os contidos de todos os elementos (letras, estilos, actuacións etc.), perfís (grupos, compositores etc.) e xéneros musicais.
Fonte: Generalitat de Catalunya
Segundo un informe, arredor de 4,5 millóns de persoas do dominio lingüístico catalán falan habitualmente esta lingua
Segundo os datos de xaneiro de 2020 do InformeCAT 2021, a poboación do dominio lingüístico catalán que fala habitualmente esta lingua reduciuse en medio millón con respecto a 2005. Ademais, oito de cada dez catalanfalantes cambian de lingua cando se dirixen a eles en castelán.
Fonte: Diari Més
Os Gobernos vasco e navarro e a Oficina Pública da Lingua Vasca renovan o protocolo para seguir colaborando na promoción do éuscaro
Representantes das tres institucións renovaron o protocolo de colaboración, que estará en vigor no período 2021-2025, para seguir traballando na promoción do éuscaro, co obxectivo de garantir a presenza desta lingua na educación, o lecer, o ámbito socioeconómico, o deporte ou a investigación.
Fonte: Gobierno Vasco
Os responsables de Política Lingüística de Baleares, Cataluña e Comunidade Valenciana acordan impulsar o catalán no sector audiovisual
Os responsables de Política Lingüística dos tres territorios acordaron coordinar e desenvolver conxuntamente accións para promover o catalán no eido audiovisual, así como impulsar esta lingua nas tecnoloxías da linguaxe e na intelixencia artificial, entre outros acordos.
Fonte: Generalitat de Catalunya
Nace unha web para que o alumnado universitario de Cataluña, Baleares e Comunidade Valenciana presenten as súas queixas lingüísticas
Baixo o lema "La universitat, en català!", púxose en marcha unha nova campaña que ten como obxectivo facilitar as denuncias por vulneración dos dereitos lingüísticos nas universidades dos territorios de fala catalá.
Fonte: Plataforma per la Llengua
O Congreso aproba que asturiano e aragonés poidan optar ás subvencións e premios que convoque o Ministerio de Cultura
O aragonés e o asturiano poderán optar ás subvencións e aos premios que convoque o Estado grazas a unha proposición non de lei aprobada pola Comisión de Cultura do Congreso. Malia non estaren recoñecidas como oficiais, ambas gozan de especial protección nos respectivos estatutos de autonomía e na Carta Europea de Linguas Rexionais e Minoritarias.
Fonte: El Periódico de Aragón
Boletín
Subscríbase ao boletín
