CiU, ERC e ICV-EUiA coincidiron en esixir que o eventual pacto entre o PSOE e o PP en materia educativa respecte o modelo catalán establecido na Lei de educación de Cataluña (LEC), non invada as competencias da Generalitat e respecte a inmersión lingüística.

Fonte: Europa Press

O Consello de Ministros, a proposta do ministro de Xustiza, Francisco Caamaño, aprobou un acordo polo que se crea a Comisión de modernización da linguaxe xurídica, que no prazo dun ano deberá elaborar un informe que analice a situación actual da linguaxe empregada polos profesionais do Dereito e recomende as accións que considere necesarias para que a linguaxe xurídica sexa máis comprensible para a cidadanía.

Fonte: Europa Press

Máis de 30 senadores pertencentes aos grupos de CiU, a Entesa Catalana de Progrés, os Nacionalistas e o Mixto presentarán un documento que elaboraron conxuntamente de reforma do regulamento da Cámara Alta para facer extensivo o uso das linguas cooficiais.

Fonte: Galicia Hoxe

A parlamentaria do BNG no Congreso dos Deputados Olaia Fernández Davila denunciou unha "nova discriminación" da Administración central ao respecto da lingua galega, posto que as enquisas que realiza o Instituto Nacional de Estatística (INE) a través de internet "só están en castelán e catalán" e reclamou estendelo ao idioma propio de Galicia.

Fonte: Galicia-Hoxe

Paradores presentou as novas cartas en braille para os seus restaurantes, que xa están dispoñibles en "máis de 25 establecementos" da cadea e que proximamente se incorporarán ao resto dos paradores da rede.

Fonte: Nexotur

O ministro de Educación, Ángel Gabilondo, amparouse na Constitución para reivindicar a "incuestionable" defensa do castelán, pero chamou "ao consenso e a non dramatizar" sobre a cuestión lingüística posto que -recalcou- un idioma non se coida "combatendo" outras linguas cooficiais.

Fonte: Europa Press

O ministro de Educación, Ángel Gabilondo, comprometeuse a garantir a presenza das linguas cooficiais nas aulas, en relación co Pacto Social e Político pola Educación, polo que compareceu na comisión de Educación do Congreso dos Deputados.

Fonte: Europa Press

O presidente do Congreso, José Bono, respondeu á carta que lle enviaron en xullo os grupos minoritarios pedindo que dea vía libre ao emprego das linguas cooficiais no Pleno da Cámara. No seu escrito Bono volve deixar claro que falar en catalán, vasco ou galego nas sesións plenarias require cambiar o regulamento.

Fonte: Europa Press

A partir do vindeiro martes, 8 de setembro, La 1 de Televisión Española intentará ensinarlles aos espectadores a orixe de moitas das palabras que se utilizan no español no programa 'Sacalalengua'. A primeira entrega estará dedicada aos nomes e apelidos.

Fonte: FórmulaTV

O uso da lingua española está condicionado polas limitacións dos novos soportes tecnolóxicos, segundo o estudo ‘A calidade do español na rede. Novos usos da lingua nos medios dixitais’, de Fundación Telefónica.

Fonte: Aprendemas.com