O 30 % dos directivos e executivos españois fala tres ou más idiomas ademais do español, segundo un estudo de CVexplorer sobre a formación complementaria e en idiomas destes profesionais.

Fonte: El Economista

O persoal de atención ao cliente das estacións de ADIF recibirá formación sobre a lingua de signos española para atender o colectivo de persoas xordas, que tamén dispoñerá do novo Servicio Dialog@, que permitirá realizar consultas telefónicas e recibir información tanto escrita coma en lingua de signos.

Fonte: EcoDiario

A Confederación Estatal de Persoas Xordas (CNSE) mostrou a súa "profunda preocupación" polo borrador do proxecto que regula o Centro de Normalización Lingüística da lingua de signos española, unha entidade que terá por obxecto "investigar, fomentar, difundir e velar polo bo uso deste idioma".

Fonte: Europa Press

Unha novidade servirá para que as persoas que teñen discapacidades auditivas poidan seguir as palabras da S.M. El-Rei Don Xoán Carlos grazas a que este ano será a primeira vez na que se retransmitirá en lingua de signos española a través da páxina 'web' de TVE.

Fonte: El Mundo

CiU, ERC e ICV-EUiA coincidiron en esixir que o eventual pacto entre o PSOE e o PP en materia educativa respecte o modelo catalán establecido na Lei de educación de Cataluña (LEC), non invada as competencias da Generalitat e respecte a inmersión lingüística.

Fonte: Europa Press

O Consello de Ministros, a proposta do ministro de Xustiza, Francisco Caamaño, aprobou un acordo polo que se crea a Comisión de modernización da linguaxe xurídica, que no prazo dun ano deberá elaborar un informe que analice a situación actual da linguaxe empregada polos profesionais do Dereito e recomende as accións que considere necesarias para que a linguaxe xurídica sexa máis comprensible para a cidadanía.

Fonte: Europa Press

Máis de 30 senadores pertencentes aos grupos de CiU, a Entesa Catalana de Progrés, os Nacionalistas e o Mixto presentarán un documento que elaboraron conxuntamente de reforma do regulamento da Cámara Alta para facer extensivo o uso das linguas cooficiais.

Fonte: Galicia Hoxe

A parlamentaria do BNG no Congreso dos Deputados Olaia Fernández Davila denunciou unha "nova discriminación" da Administración central ao respecto da lingua galega, posto que as enquisas que realiza o Instituto Nacional de Estatística (INE) a través de internet "só están en castelán e catalán" e reclamou estendelo ao idioma propio de Galicia.

Fonte: Galicia-Hoxe

Paradores presentou as novas cartas en braille para os seus restaurantes, que xa están dispoñibles en "máis de 25 establecementos" da cadea e que proximamente se incorporarán ao resto dos paradores da rede.

Fonte: Nexotur

O ministro de Educación, Ángel Gabilondo, amparouse na Constitución para reivindicar a "incuestionable" defensa do castelán, pero chamou "ao consenso e a non dramatizar" sobre a cuestión lingüística posto que -recalcou- un idioma non se coida "combatendo" outras linguas cooficiais.

Fonte: Europa Press