Xeral
Portais de cinco ministerios tratan o valenciano e o catalán como linguas distintas
O deputado no Congreso, Joan Herrera, pediralle explicacións ao Goberno Central por apostar polo "secesionismo lingüístico ao ofrecer nos portais web de cinco ministerios as versións en catalán e valenciano, como se fosen dúas linguas distintas".
Fonte: Levante
A confederación de persoas xordas denuncia o "escaso desenvolvemento" da lei da lingua de signos
O presidente da Confederación Estatal de Persoas Xordas (CNSE), Luis Cañón, denunciou o "escaso desenvolvemento" da Lei da lingua de signos e medios de apoio á comunicación oral, desde a súa aprobación, hai xa máis de dous anos.
Fonte: La Información
Segundo un estudo, os alumnos que estudan en castelán e inglés logran mellores resultados na primeira lingua
O español non só non sofre pola ensinanza bilingüe, senón que se beneficia dela. Os alumnos de colexios que combinan castelán e inglés obteñen mellores resultados na primeira lingua que os educados exclusivamente nesta. Isto confirma que o alumno bilingüe mellora a súa capacidade de aprender. Algo que tamén apuntaban datos de autonomías con dous idiomas oficiais.
Fonte: El País
ERC ofrécelles aos grupos unha reforma limitada do Regulamento do Congreso que permita o uso das linguas cooficiais
Esquerra Republicana de Catalunya (ERC) decidiu enviar unha carta a todos os grupos políticos do Congreso na que lles ofrece sumarse a unha proposición de lei de reforma limitada do Regulamento da Cámara Baixa co fin de que se permita o uso das linguas cooficiais nas sesións plenarias, en comisión e en distintos traballos parlamentarios.
Fonte: Europa Press
O 32 % dos libros publicados en Cataluña, Valencia e Baleares está en catalán, mentres en Galicia se publica un 57 % en galego
Só o 32,16 % dos 26.052 libros que se publicaron o ano pasado en Cataluña, o País Valenciano e Baleares se editou en catalán, cifra inferior ás rexistradas noutras zonas con linguas cooficiais, como Galicia, onde os libros en galego representan o 57,32 % do total, ou o País Vasco, onde os libros en vasco son o 45,7 %.
Fonte: Avui
Os escolares do programa de educación bilingüe mostran un dominio moi fluído do inglés
A maioría dos escolares españois, tanto de primaria como de secundaria, que estuda no Programa de educación bilingüe, implantado na escola pública desde 1996, mostra un dominio "moi fluído" desta lingua e emprégaa de forma "natural".
Fonte: 20 minutos
Unha axencia ofrece viaxes accesibles para persoas xordas acompañadas por un experto en lingua de signos
O portal de reservas Viajes AcceSIbles ('www.viajes2000accesibles.es') ampliou a súa oferta de destinos internacionais para persoas xordas a destinos como Uzbekistán, China, Escandinavia ou o Oeste Americano e, ademais, irán acompañadas por un guía especializado en lingua de signos española.
Fonte: Europa Press
Os médicos extracomunitarios deberán demostrar que saben castelán
O Goberno deixou sentadas as bases para que os médicos especialistas extracomunitarios poidan exercer en España. Un real decreto establece que deberán acreditar o "coñecemento correcto do castelán".
Fonte: El País
O Senado inicia unha reforma para permitir o uso das linguas cooficiais
As linguas cooficiais tratan de gañar espazo nas Cortes Xerais. O Senado converteuse no primeiro obxectivo. O pleno da Cámara Alta aprobou unha proposta para estudar a reforma do seu regulamento e xeneralizar o uso do galego, o catalán, o éuscaro e o valenciano. A iniciativa contou coa oposición do PP e da única senadora de UPN.
Fonte: Faro de Vigo
Esquerra Republicana levará ao Congreso o uso das linguas cooficiais
Esquerra Republicana (ERC) reactivará proximamente no Congreso a súa reivindicación sobre o uso das linguas cooficiais na Cámara Baixa tras admitirse a trámite unha proposta neste sentido no Senado a instancias do seu partido, adscrito ao grupo Entesa Catalana del Progrés (PSC, ERC e ICV).
Fonte: Galicia Hoxe
Boletín
Subscríbase ao boletín
