A Comisión de Políticas Integrais da Discapacidade do Congreso aprobou por unanimidade unha proposición non de lei pola que insta o Goberno español a adaptar ao braille a etiquetaxe dos produtos farmacéuticos para garantir a súa accesibilidade e a establecer un réxime sancionador que asegure a súa aplicación.

Fonte: Europa Press

A versión web da axencia de noticias decidiu ofrecer o seu servizo de información en liña en seis idiomas que falados en España: éuscaro, catalán, galego, asturiano, valenciano e occitano. Ata o momento a web de Europa Press ofrecía contidos en todas as linguas oficiais do Estado só aos seus abonados.

Fonte: Muy Internet

A CNSE para a Supresión das Barreiras de Comunicación e a Fundación Carrefour presentaron un novo dicionario infantil bilingüe de lingua de signos española e lingua española. Baixo o título Descubre nuevos signos, ambas as entidades teñen como obxectivo acercar a lingua de signos aos menores, tanto xordos como oíntes, de entre tres e oito anos de idade.

Fonte: Europa Press

Unha enquisa realizada pola empresa de recursos humanos Adecco sobre os idiomas máis valorados polo mercado laboral sinala que para o 100% dos empregados o inglés é o idioma máis apreciado; seguido do alemán, elixido polo 47%; do francés, polo 33,6%; e do chinés, polo 18%. Porén, as valoracións cambian cando se lles pregunta polos dous idiomas do futuro. O inglés segue sendo o máis valorado, polo 92,2% dos enquisados, pero o chinés ascende ata o segundo lugar para o 69,5%.

Fonte: 20 minutos

MoviLSE é un servizo desenvolvido por Catarsis Producciones, unha empresa madrileña especializada en produtos multimedia para persoas xordas e cegas, que consiste nun sistema de alarmas que se envían diariamente ao móbil en formato de enlace.

Fonte: El Mundo

O presidente do Senado, Javier Rojo, defendeu o uso de linguas cooficiais na Cámara Alta porque están "amparadas" pola Constitución e afirmou que nos parlamentos autonómicos tamén hai tradutores e "non pasa nada".

Fonte: Europa Press

O Goberno español informa que antes de que remate o 2010, “haberá acceso en lingua galega á web de Paradores”. O Goberno xustifica a presenza do catalán desde hai varios anos, “polo alto número de clientes procedentes de Cataluña” e explica que “desde hai máis dun ano, Paradores está a realizar unha profunda reforma da web na que se inclúe o acceso en galego”.

Fonte: Código Cero

O Centro de Visión por Computador da Universidade Autónoma de Barcelona (CVC-UAB) deseñou un prototipo dun sistema visual con videocámara que interpreta a lingua de signos española e que permite a persoas xordas comunicarse en sitios de información públicos.

Fonte: Europa Press

A ministra de Sanidade e Política Social, Trinidad Jiménez, anunciou que o próximo mes de setembro levará ao Consello de Ministros un real decreto para impulsar a etiquetaxe en braille nalgúns produtos para que as persoas con algún tipo de discapacidade visual poidan ter menos dificultade á hora de realizar a compra nos supermercados e resto de superficies de distribución.

Fonte: Qué!

A Comisión Mixta Congreso-Senado para a UE rexeitou unha moción de CiU na que se pide promover unha reforma do regulamento lingüístico comunitario para que o catalán, o galego e o éuscaro sexan oficiais nas institucións europeas.

Fonte: EcoDiario