Xeral
CiU cuestiona que as autonomías sen lingua diferente do castelán teñan unha canle de televisión
O portavoz de CiU no Congreso, Josep Antoni Duran Lleida, puxo en cuestión que as comunidades autónomas sen unha lingua propia diferente do castelán dispoñan dunha canle de televisión específica.
Fonte: ABC
A Fundación Comillas edita un libro sobre o español nas empresas
A Fundación Comillas editou o libro “O español, lingua de comunicación nas organizacións empresariais”, que será presentado nun acto co que a entidade retoma o seu calendario de actividades.
Fonte: Europa Press
A Real Academia Española e a Obra Social La Caixa crean unha biblioteca de clásicos españois
A Real Academia Española (RAE) e a Obra Social de La Caixa crearon unha biblioteca clásica que reunirá 111 títulos da literatura en español, desde o Cantar del Mío Cid ata Los Pazos de Ulloa, de Emilia Pardo Bazán. A colección estará coordinada polo académico e catedrático da Universidade Autónoma de Barcelona, Francisco Rico.
Fonte: La Vanguardia
A Rioxa e Euskadi difundirán o patrimonio común do castelán e do vasco
A Fundación rioxana San Millán de la Cogolla e a Universidade do País Vasco asinarán un convenio para investigar e difundir o patrimonio emilianense referido ao pasado común de ambos os territorios e á historia das linguas castelá e vasca.
Fonte: ABC
A Dirección Xeral de Tráfico comprométese a adaptar o manual de tráfico e un glosario específico á lingua de signos
A Dirección Xeral de Tráfico (DXT) comprometeuse a adaptar o manual de tráfico á lingua de signos española, así como un glosario específico co obxectivo de facilitar o acceso ao permiso de conducir á comunidade de persoas xordas, segundo informou a Confederación Nacional de Xordos (CNSE).
Fonte: Europa Press
O Senado estrea o uso das linguas cooficiais
O Senado deu un paso histórico coa estrea do uso das linguas cooficiais na Cámara que, malia o seu carácter territorial, ata agora vetaba esta posibilidade aos seus representantes.
Fonte: Público
O PSOE oponse ao uso no Congreso das linguas cooficiais
O PSOE oponse, co apoio do PP, a que o uso das linguas cooficiais, que se estreou o pasado día 18 de xaneiro no Senado, se estenda á Cámara baixa, como queren os nacionalistas.
Fonte: La Voz de Galicia
Nacen unha radio e unha web didácticas para a aprendizaxe do español
A Fundación da Lingua Española puxo en marcha dúas novas ferramentas didácticas, baseadas nas tecnoloxías da información, para estender a nivel internacional a aprendizaxe do español grazas a un portal web e a unha emisora de radio.
Fonte: El Mundo
A Fundación da Confederación Estatal de Persoas Xordas convoca os Premios Fundación CNSE 2011
A Fundación CNSE abriu a convocatoria dos seus Premios 2011. O primeiro destes galardóns é o Premio Fundación CNSE á investigación sobre a lingua de signos española, que ten como obxectivo fomentar a produción en España de traballos innovadores de investigación sobre esta lingua.
Fonte: RRHHDigital
Os servizos de interpretación da lingua de signos redúcense debido á crise
A lei recoñece (desde 2007) o dereito a que as persoas xordas dispoñan dos recursos necesarios para desenvolverse en calquera aspecto da vida, implantando nos centros públicos un servizo de interpretación en lingua de signos, pero coa crise o seu desenvolvemento, que era lento, volveuse aínda máis lento.
Fonte: ADN
Boletín
Subscríbase ao boletín
