O Goberno dá por finalizada a polémica sobre a obrigatoriedade de falar as linguas oficiais para os estranxeiros que teñan que renovar os seus permisos de residencia. O último borrador do regulamento da Lei de estranxeiría cambia a esixencia do “coñecemento” destas pola da “aprendizaxe”, valorando o “esforzo” en lugar dos resultados obtidos.

Fonte: Público

Un recente estudo sobre a aprendizaxe de idiomas realizado en 150 países perfila os españois coma os cidadáns que máis invisten en aprender unha segunda ou terceira lingua. Porén, isto non os coloca á cabeza do multilingüismo.

Fonte: Informativos Telecinco

A multinacional de tecnoloxías da información, Indra, permitirá a aplicación dun intérprete de lingua de signos a servizos turísticos e de transporte a través do proxecto Consignos, segundo informa a compañía.

Fonte: Finanzas.com

O desemprego, ou o temor a quedar sen traballo, e unha maior concienciación social de que, nun contorno cada vez máis competitivo só os máis preparados teñen opcións, dispararon o interese polos idiomas.

Fonte: El Mundo

A reforma laboral aprobada polo Decreto 10/2010 está dispoñible xa en lingua de signos española, de forma que as persoas xordas que utilizan esta vía de comunicación poden informarse a través dela das medidas adoptadas para dinamizar o tecido laboral do país.

Fonte: Diario Siglo XXI

O ministro de Educación de España premiou a sete colexios bilingües dos Estados Unidos pola súa promoción da lingua e a cultura españolas a través de programas de inmersión na educación primaria e secundaria.

Fonte: European Pressphoto Agency

O 83 por cento dos españois non conta cun título ou certificación oficial que acredite o seu nivel de coñecemento de inglés, segundo un estudo presentado pola editorial Océano Idiomas, do que tamén se desprende que só o 7 por cento dos enquisados cre que ten un nivel de inglés adecuado para manter unha conversa fluída neste idioma.

Fonte: ABC

A Fundación Comillas e a Universidade Gama Filho, unha das institucións académicas máis importantes do Brasil, que cada ano forma a máis de 3.000 alumnos, asinaron un convenio para promover o ensino do español no país suramericano.

Fonte: ABC

As persoas xordas poden xa gozar da música hip-hop grazas ao novo traballo de “Rapsoda”, o primeiro rapeiro en España que utiliza lingua de signos nun videoclip.

Fonte: Diario Siglo XXI

O Instituto Cervantes convidou a 34 personalidades da cultura, da economía, da ciencia e do deporte para participar na votación da súa palabra favorita do español, que se organiza dentro das actividades do Día do Español (Día E).

Fonte: El País