A película “Pa negre”, de Agustí Villaronga, foi seleccionada pola Academia de Cine para representar a España na categoría de mellor película de fala non inglesa na 84 edición dos Óscar, converténdose na primeira película rodada en catalán en logralo.

Fonte: Agencia EFE

A Confederación Estatal de Persoas Xordas (CNSE) está detectando irregularidades no acceso á comunicación nos servizos de xestión telefónica dispoñibles para clientes de entidades telefónicas e bancarias, entre outras. Segundo explica este colectivo nun comunicado, as devanditas empresas carecen de acceso directo en lingua de signos e textos aos seus servizos.

Fonte: Europa Press

Unha guía da Fundación da Confederación Estatal de Persoas Xordas (CNSE) explica como os adultos, especialmente os pais, poden ensinar os bebés preto de 200 xestos sinxelos da lingua de signos española para facilitar a comunicación antes de aprenderen a falar.

Fonte: Diario de Navarra

Mapfre desenvolveu unha nova canle de comunicación para poder atender mediante unha cámara web en lingua de signos as persoas xordas e con discapacidade auditiva.

Fonte: Europa Press

Os Gobernos balear e catalán confirmaron a súa intención de seguir traballando conxuntamente no seo do Instituto Ramón Llull (IRL), co obxectivo de impulsar o coñecemento no exterior e o fomento interno da cultura e a lingua catalás que comparten ambos os territorios.

Fonte: La Vanguardia

A Fundación Lilly entregou os Premios MEDES 2011 nas súas dúas categorías: “Mellor iniciativa que fomente o uso do idioma español na divulgación do coñecemento científico” e “Mellor institución ou entidade destacada na promoción e difusión da publicación médica en español”.

Fonte: Compromisorse

O conselleiro de Cultura da Junta de Andalucía, Paulino Plata, presentou en Atarfe (Granada) a obra Unha viaxe pola historia e lendas do mundo, primeira crónica da humanidade realizada tanto en versión escrita coma en lingua de signos española.

Fonte: El Ideal

Os lectorados e centros de estudos galegos cos que conta a Secretaría Xeral de Política Lingüística en universidades de todo o mundo realizan numerosas actividades durante o curso académico para dar a coñecer fóra de Galicia a lingua, a literatura e a cultura galegas.

Fonte: Xunta de Galicia

A Confederación Estatal de Persoas Xordas pediu que os centros educativos, medios de comunicación e administracións públicas fagan máis presente nas súas tarefas diarias a lingua de signos, menos recoñecida, din, en España ca noutros países europeos como poden ser os nórdicos, onde a maioría dos informativos televisivos a empregan.

Fonte: Diario Siglo XXI

É un dos seis idiomas oficiais da ONU e, tras o inglés e o chinés mandarín, unha das linguas máis faladas do mundo. O español fálase en todos os continentes do planeta e está especialmente en auxe nos Estados Unidos e en Asia. Converteuse, tras o inglés e o francés, na 3ª lingua europea. En termos económicos chega a representar o 16 % do PIB español.

Fonte: Euroxpress