O Tribunal Supremo desestimou o recurso de casación interposto polo Consello Xeral de Colexios Oficiais de Secretarios, Interventores e Tesoureiros da Administración Local, contra unha sentenza do Tribunal Superior de Xustiza de Cataluña. O foco do debate é a importancia que ten a lingua propia nas comunidades autónomos, como é Cataluña e a validez constitucional, por iso da esixencia do coñecemento desa lingua propia para acceder a postos na función pública cando resulte conveniente.

Fonte: Redacción Médica

O Real Padroado sobre Discapacidade, a través do Centro de Normalización da Lingua de Signos Española (CNSE), creou unha comisión de traballo cuxa finalidade é revisar o perfil do especialista en lingua de signos española, coa participación de diferentes axentes implicados no recoñecemento e a formación académica deste profesional.

Fonte: Europa Press

O director do Instituto Cervantes, Víctor García de la Concha, destacou que a lingua española contén preto de 10 000 palabras árabes, recollidas no dicionario da Real Academia da Lingua. Así o destacou durante a celebración no Congreso dos Deputados do Foro Parlamentario Hispano-Marroquí que tratou as ‘Relacións culturais no marco dunha herdanza común”.

Fonte: Voz Pópuli

PP e UPyD xa alcanzaron un acordo para que a Lei orgánica de mellora da calidade educativa (LOMCE) recolla expresamente que o castelán sexa a lingua vehicular no ensino de todo o Estado.

Fonte: Europa Press

España é o terceiro país da Unión Europea –só superado por Hungría e Bulgaria- con menor número de adultos entre 25 e 64 anos que declaran falar polo menos unha lingua estranxeira. Só o 51 % dos españois coñece outro idioma, unha porcentaxe que se sitúa moi por debaixo da media comunitaria (66 %), segundo un estudo publicado pola oficina estatística Eurostat.

Fonte: La Vanguardia

O 31,3 % das ofertas de traballo require saber unha lingua estranxeira, unha porcentaxe que pode duplicarse para perfís cualificados ou sectoriais de actividade específicos, pese a que 6 de cada 10 empregados aseguren que non utilizan os idiomas que lles esixiron ao ser contratados.

Fonte: El Comercio

Renfe vai pór como requisito ás empresas que concursen para facerse cos servizos de restauración dos trens que cubran liñas nacionais que o seu persoal fale «con fluidez» catalán, galego e éuscaro -se son necesarios no itinerario que cobre a liña-, ademais de castelán e inglés.

Fonte: La Voz de Galicia

Varias organizacións de emigrantes do Reino Unido, Francia, Suíza e os sindicatos de profesores CCOO, UGT e STES uníronse nunha plataforma a favor do mantemento e desenvolvemento das Agrupacións de Lingua e Cultura Españolas (ALCE) para descendentes de españois no estranxeiro.

Fonte: Terra

As xuventudes de EuiA iniciaron unha “fronte común” para defender o catalán xunto cos mozos de Esquerra Unida do País Valenciano e Esquerra Unida das Illas Baleares. As tres organizacións elaboraron un comunicado conxunto no que instan a crear un “marco de colaboración estable” para loitar xuntos en defensa do catalán”.

Fonte: ABC

A Confederación Estatal de Persoas Xordas (CNSE) denunciou que, cando se cumpren seis anos da lei que recoñeceu a lingua de signos castelá e catalá, aínda hai alumnos con discapacidade auditiva escolarizados en España que non dispoñen dun intérprete en clase que lles traduza a lección do profesor.

Fonte: Europa Press