Xeral
O inglés é o idioma que máis demandan as multinacionais en España
A lingua anglosaxoa consolidouse en 2012 coma o idioma máis demandado polas compañías do noso país, a moita distancia doutras linguas coma o francés, o alemán ou o chinés.
Fonte: ABC
O catalán é a decimo novena lingua máis utilizada en Twitter
O catalán ocupa a décimo novena posición na clasificación das linguas máis utilizadas en Twitter, segundo o estudo ‘O Twitter de Babel: mapa das linguas do mundo a través de plataformas de microblogging’.
Fonte: Generalitat de Catalunya
Celebran a retransmisión en lingua de signos española da cerimonia de entrega dos premios Goya 2013
O Centro de Normalización Lingüística da Lingua de Signos Española (CNLSE) anunciou que “aplaude” que a cerimonia de entrega dos premios Goya 2013 se retransmita en directo en lingua de signos española a través da web de RTVE.
Fonte: Crónica Social
O Goberno central apoia a normalización do catalán na Administración de Xustiza, pero non tomará medidas para impulsalo
O secretario de Estado de Xustiza, Fernando Román, asegurou que está de acordou con que se debe normalizar o uso do catalán na Administración de Xustiza, pero negou que o Goberno central poida adoptar medidas encamiñadas a incrementar o número de sentenzas que se ditan nesa lingua.
Fonte: Diario Vasco
Diversas asociacións en defensa do éuscaro, o catalán e o galego opóñense á nova lei de educación
Asociacións en defensa do catalán, éuscaro e galego reuníronse no Congreso con distintos grupos parlamentarios para denunciar as consecuencias que provocaría a posta en marcha da reforma educativa e pedirlles que trasladen a “indignación” da sociedade civil.
Fonte: Deia
Propóñenlle ao Senado ensinar as linguas cooficiais en toda España
A voceira do PNV na Comisión de Educación do Senado, Ruth Martínez, pediulle ao Goberno central que impulse o ensino das linguas autonómicas cooficiais (éuscaro, catalán, valenciano e galego) “como materias optativas en todos os sistemas educativos do Estado”.
Fonte: La Información
A Confederación Estatal de Persoas Xordas reclama que o 016 incorpore a atención en lingua de signos
A Confederación Estatal de Persoas Xordas (CNSE) reclamoulle ao Goberno realizar unha proba piloto para aplicar o servizo de videointerpretación SVIsual ao servizo telefónico de información e asesoramento xurídico en materia de violencia de xénero (016), xa que o teléfono existente para persoas xordas non é totalmente accesible para este colectivo.
Fonte: Diario Siglo XXI
Os estranxeiros que pidan a nacionalidade pasarán un test de español e "integración"
O Goberno planea crear un exame oficial de lingua española e "integración na sociedade española" para os estranxeiros que soliciten a nacionalidade (fano uns 100 000 cada ano).
Fonte: El País
Un estudo determina que o uso da lingua de signos fomenta a lectura en adolescentes xordos
Un estudo realizado pola Fundación CNSE para a Supresión das Barreiras de Comunicación, coa colaboración da Universidade Autónoma de Madrid e a Fundación Germán Sánchez Ruipérez, e co apoio do Ministerio de Educación, Cultura e Deporte demostrou, por primeira vez, que a lingua de signos ten un impacto favorable no hábito lector na educación de mozos xordos.
Expulsan do Congreso a tres deputados de Esquerra Republicana por realizar as súas intervencións en catalán
Por primeira vez na historia da democracia tres deputados foron expulsados nunha mesma sesión plenaria. O episodio tivo lugar cando os deputados de Esquerra Republicana Joan Tardà, Alfred Bosch e Teresa Jordà insistiron en realizar a súa locución en catalán ignorando as advertencias do presidente do Congreso, Jesús Posada.
Fonte: ABC
Boletín
Subscríbase ao boletín
