O Consello de Ministros adiou definitivamente a implantación da proba oral de idioma estranxeiro da selectividade ao curso 2015-2016. A proba de valoración da comprensión e expresión oral de lingua estranxeira estaba prevista para a proba de acceso á universidade no curso académico 2011-2012, segundo o Real Decreto do 14 de novembro de 2000.

Fonte: Educaweb

Académicos de diversas institucións vinculadas ao idioma español avalaron un manifesto de apoio como lingua internacional e científica presentado con motivo do encontro «O español, lingua internacional e do coñecemento» que se desenvolve no marco dos Cursos de Verán da Universidade Internacional Menéndez Pelayo.

Fonte: ABC

Os alumnos xordos matriculados nas autoescolas poderán recibir as clases en lingua de signos para aprender a conducir, tras o convenio que asinaron a Confederación Estatal de Persoas Xordas (CNSE) e a Confederación Nacional de Autoescolas (CNAE).

Fonte: Diariosur

A ponte do río Algars, que separa Aragón e Cataluña, servirá de nexo de unión dun dos sinais de identidade da Franxa, a súa lingua materna. O obxectivo da cadea é mostrar desconformidade coa nova Lei de linguas de Aragón e apoiar os que defenden a subsistencia do catalán na zona.

Fonte: La Comarca

Esquerda Plural propón no Congreso que os centros educativos ofrezan de forma optativa algunha das linguas maioritarias que falan os alumnos inmigrantes.

Fonte: El Mundo

O Tribunal Supremo desestimou o recurso de casación interposto polo Consello Xeral de Colexios Oficiais de Secretarios, Interventores e Tesoureiros da Administración Local, contra unha sentenza do Tribunal Superior de Xustiza de Cataluña. O foco do debate é a importancia que ten a lingua propia nas comunidades autónomos, como é Cataluña e a validez constitucional, por iso da esixencia do coñecemento desa lingua propia para acceder a postos na función pública cando resulte conveniente.

Fonte: Redacción Médica

O Real Padroado sobre Discapacidade, a través do Centro de Normalización da Lingua de Signos Española (CNSE), creou unha comisión de traballo cuxa finalidade é revisar o perfil do especialista en lingua de signos española, coa participación de diferentes axentes implicados no recoñecemento e a formación académica deste profesional.

Fonte: Europa Press

O director do Instituto Cervantes, Víctor García de la Concha, destacou que a lingua española contén preto de 10 000 palabras árabes, recollidas no dicionario da Real Academia da Lingua. Así o destacou durante a celebración no Congreso dos Deputados do Foro Parlamentario Hispano-Marroquí que tratou as ‘Relacións culturais no marco dunha herdanza común”.

Fonte: Voz Pópuli

PP e UPyD xa alcanzaron un acordo para que a Lei orgánica de mellora da calidade educativa (LOMCE) recolla expresamente que o castelán sexa a lingua vehicular no ensino de todo o Estado.

Fonte: Europa Press

España é o terceiro país da Unión Europea –só superado por Hungría e Bulgaria- con menor número de adultos entre 25 e 64 anos que declaran falar polo menos unha lingua estranxeira. Só o 51 % dos españois coñece outro idioma, unha porcentaxe que se sitúa moi por debaixo da media comunitaria (66 %), segundo un estudo publicado pola oficina estatística Eurostat.

Fonte: La Vanguardia