Xeral
O chinés é a segunda lingua máis demandada para os nenos en España
A compañía de ensino de linguas Diverbo analizou as tendencias no comportamento dos usuarios á hora de estudar idiomas e constata que este ano o chinés irrompeu con forza como a segunda lingua estranxeira máis solicitada para os rapaces, tras o inglés.
Fonte: ABC
A Real Academia Española estudará se cambia a definición de ‘bable’ e ‘asturiano’ para eliminar a denominación de dialecto
A Real Academia Española fixo chegar unha comunicación do seu secretario, Darío Villanueva, a Iniciativa polo Asturiano na que agradece o informe e proposta enviados por esta organización á RAE para solicitar a revisión e modificación da definición dos termos ‘asturiano’ e ‘bable’ no seu Dicionario, onde hogano aparecen definidos como ‘dialecto’ en lugar de lingua ou idioma.
Fonte: El Comercio
A asociación FIAPAS denuncia que non se aplique a lei que regula a lingua de signos
A Confederación Española de Familias de Persoas Xordas (FIAPAS) denunciou que a lei pola que se recoñecen as linguas de signos españolas e se regulan os medios de apoio á comunicación oral das persoas xordas, con discapacidade auditiva e xordocegas “non se desenvolveu en todos os seus termos”, despois de cinco anos desde a súa entrada en vigor.
Fonte: Europa Press
Un 24 % dos españois considera que os seus fillos deben aprender chinés
Os españois queren aprender chinés, segundo datos do ultimo Eurobarómetro sobre “Os Europeos e as súas Linguas”, onde tamén se reflicte que un 24 % dos enquisados (fronte ao 14 % dos europeos) considera que este idioma é a segunda lingua que escollería para o futuro dos seus fillos.
Fonte: La Razón
Só un terzo dos españois afirma falar inglés
Os idiomas seguen sendo unha das principais materias pendentes dos españois, algo que queda patente en que só o 2,7 % das persoas de entre 18 e 65 anos fala alemán e o 35,5 % sabe inglés, porcentaxes que, ademais, non reflicten o grao de coñecemento da lingua.
Fonte: El Correo
Presentan a primeira tradución da Constitución Española á lingua de signos
A primeira tradución da Constitución Española ás linguas de signos española e catalá nace este ano para conmemorar o Día da Constitución.
Fonte: Diario Vasco
A Confederación de Persoas Xordas denuncia que non se lles garante a aprendizaxe de lingua de signos aos alumnos xordos
A Confederación de Persoas Xordas denunciou que a aprendizaxe, uso e coñecemento da lingua de signos para alumnos xordos e as súas familias non se garante, a pesar da Lei 27/2007, de 23 de outubro, pola que se recoñecen as linguas de signos españolas e se regulan os medios de apoio á comunicación oral das persoas xordas, con discapacidade auditiva e xordocegas.
Fonte: Europa Press
As comunidades autónomas pagarán ensino privado en castelán se non hai oferta pública
As administracións sufragarán a escolarización en centros privados cando os alumnos non atopen unha oferta docente pública ou concertada na lingua vehicular de ensino que escollan os pais ou titores.
Fonte: RTVE
A Constitución en lingua de signos recibe 1200 visitas na súa primeira semana
A páxina web da Constitución Española en lingua de signos, destinada ás persoas xordas, recibiu na súa primeira semana de existencia máis de 1200 visitas.
Fonte: Diario Vasco
As linguas cooficiais trataranse igual que o castelán na Lei de mellora da calidade educativa
O ministro de Educación, Cultura e Deporte, José Ignacio Wert, asegurou que as linguas cooficiais (catalán, galego, éuscaro e valenciano) van ter o mesmo tratamento que o castelán e o resto de materias troncais en carga lectiva na futura Lei de mellora da calidade educativa (LOMCE).
Fonte: Europa Press
Boletín
Subscríbase ao boletín
