Aprender xogando é unha técnica empregada en moitos niveis educativos, tamén no ámbito dos idiomas. Unha empresa española está desenvolvendo unha ambiciosa aposta no ensino de idiomas, a Spanish Language Route (Ruta da Lingua Española), unha aventura gráfica en 3D na que, coa escusa de rescatar o diario de Cervantes, o alumno-xogador pasa múltiples etapas de aprendizaxe de español.

Fonte: RTVE

O Instituto Cervantes está estudando un “programa de potenciación das súas relación” co Instituto Ramon Llull, o Instituto Vasco Etxepare e o Consello da Cultura Galega en materia lingüística.

Fonte: El Correo Gallego

A crise está a ser “unha fértil fonte de enriquecemento da lingua española”, coa incorporación de ingresos léxicos, de novas palabras e a recuperación doutras, o que permite “crear linguaxe” afirmou o director da Fundación do Español Urxente (Fundéu BBVA), Xoaquín Müller.

Fonte: La Rioja

Todos os grupos políticos do Senado aprobaron unha moción que recoñece a realidade occitana do Val de Arán, dotada de identidade cultural, histórica, xeográfica e lingüística e "defendida polos araneses durante séculos".

Fonte: Europa Press

Entre as novidades desta edición dos Premios da Música Independente destaca a creación de tres novas categorías relacionadas cos tres idiomas cooficiais (de mellor produción en éuscaro, mellor álbum en lingua galega e mellor álbum cantado en catalán).

Fonte: Culturagalega.org

«En Galicia, pola súa propia distribución administrativa e territorial, é onde hai e onde se recolleron máis topónimos», explica Jairo Javier García Sánchez, autor do «Atlas toponímico de España».

Fonte: ABC

O Goberno sinalou que o establecemento do currículo da materia Lingua Cooficial e Literatura, naquelas comunidades autónomas con lingua cooficial, reservarase integramente á comunidade autónoma que corresponda, o que supón que será o goberno autónomo o que determine o currículo na súa integridade, os obxectivos da materia, os horarios, os criterios de avaliación ou a metodoloxía.

Fonte: Europa Press

Unha web ofrece en lingua de signos o regulamento xeral de circulación para facilitarlles a obtención do permiso de conducir ás persoas xordas, como complemento ás ensinanzas que se imparten nas autoescolas.

Fonte: Las Provincias

Posuír un título universitario xa non é suficiente para encontrar traballo non só fóra de España, senón tamén dentro, xa que é necesario ademais o coñecemento de, polo menos, un idioma e demostralo, segundo asegurou o director do Instituto de Linguas Modernas da UEx, Jose Antonio Hoyas.

Fonte: ABC

O Informe da CMT sobre accesibilidade dos contidos televisivos, publicado esta semana pola Comisión do Mercado de Telecomunicacións (CMT), presenta a actividade dos operadores con respecto ao cumprimento da lei xeral da comunicación audiovisual. Segundo este informe, a finais de 2012, a porcentaxe de horas emitidas con subtítulos foi do 50 % nas canles públicas e o 45 % nas privadas.

Fonte: Mundoplus