Xeral
España e Rusia celebrarán o ano das súas linguas con máis de cen actos nos dous países
España e Rusia celebrarán máis de cen actos durante o próximo ano para conmemorar o ano da lingua e a literatura rusa en España e o ano da literatura e a lingua española en Rusia.
Fonte: Sputnik Mundo
As persoas xordas celebran o Día da Lingua de Signos para reivindicar a súa importancia
O Día da Lingua de Signos celebrouse por primeira vez en España para reivindicar esta lingua e a súa importancia, xa que a falan máis de 70 000 persoas e é esencial para a integración das persoas xordas na sociedade.
Fonte: La Vanguardia
A policía recibirá formación en lingua de signos para garantir o acceso das persoas xordas aos seus servizos
A Dirección Xeral da Policía asinou un acordo coa Confederación Estatal de Persoas Xordas para mellorar a comunicación entre os axentes e as persoas con discapacidade auditiva. Entre as medidas incluídas atópanse cursos de formación en lingua de signos.
Fonte: La Vanguardia
A promoción do éuscaro en Treviño recibiu un total de 200 000 euros en tres anos
O Goberno vasco destinou nos tres últimos anos un total de 200 000 euros en concepto de subvencións para a promoción do éuscaro en Treviño, o condado burgalés da provincia de Áraba.
Fonte: El Correo
Presentan un nove exame para determinar o nivel de español que será común en todos os territorios
O Instituto Cervantes presentou o novo exame SIELE, unha proba común en todos os territorios de fala hispana, que determinará o nivel de español de falantes nativos e estranxeiros.
Fonte: Europa Press
Denuncian a falta de interese do Goberno central por protexer o galego en Asturias e León
Un informe sobre linguas rexionais denuncia a desprotección que sofre o galego nas zonas de Asturias e León onde se fala, ademais da falta de medidas do Goberno central por protexelo.
Fonte: Sermos Galiza
Cataluña e Baleares cooperarán en materia de lingua catalá e de cultura
Os gobernos balear e catalán asinarán un convenio de colaboración que beneficiará a creadores de ambas as comunidades.
Fonte: El Mundo
Piden a Apple que introduza o éuscaro no sistema operativo dos seus dispositivos
A través de change.org é posible subscribirse a esta petición fomentada pola organización Iparra.
Fonte: El Correo
Descenden os alumnos de linguas cooficiais mentres que se incrementan os de alemán nas escolas de idiomas
Segundo datos do Ministerio de Educación, nas escolas de idiomas descendeu o número de alumnos que quere aprender catalán, éuscaro, galego ou valenciano, mentres que se incrementou o número dos que escollen alemán ou inglés.
Fonte: Antena 3
As axudas para a escolarización en castelán en centros privados sofren un importante recorte orzamentario
As axudas para a escolarización en castelán en centros privados descenden de seis millóns de euros a un millón.
Fonte: El Mundo
Boletín
Subscríbase ao boletín