Xeral
O Senado reduce un 5,7 % o orzamento para traducir as linguas cooficiais ao castelán
O proxecto de orzamento da Cámara Alta, que será aprobado no Consello de Ministros, reduce o importe desta partida un 5,7 % con respecto ao exercicio anterior.
Fonte: Voz Pópuli
Os gobernos central e vasco acordan salvagardar o éuscaro na Lomce
Os gobernos central e vasco pecharon un acordo “parcial” sobre a aplicación da Lei orgánica para a mellora educativa (Lomce) que “salvagarda” a capacidade do País Vasco para determinar a aprendizaxe do éuscaro nas aulas e garante o papel “relevante” dos consellos escolares en Euskadi.
Fonte: El Correo Gallego
Aumenta a oferta de prensa en catalán coa estrea da edición dixital nesta lingua do xornal El País
O diario El País estrea edición dixital en catalán (elpais.cat), o que supón unha aposta por esta lingua deste medio que xa contaba con información en catalán na súa edición en papel.
Fonte: Generalitat de Catalunya
A lingua española xera o 15 % do produto interior bruto en España
O idioma español representa en torno ao 15 % do produto interior bruto (PIB) e do emprego en España, o que significa que a lingua castelá achega o equivalente a 150 000 millóns de euros a España.
Fonte: La Información
O ministro de Educación e Cultura móstrase favorable a estudar unha lei específica sobre a pluralidade lingüística
O ministro recoñeceu que é necesario "fomentar o coñecemento cruzado" das distintas linguas para mellorar "as estratexias de cooperación cultural" entre as comunidades.
Fonte: Galicia Hoxe
O Instituto Cervantes promoverá a lingua de signos española
O Instituto Cervantes e o Real Padroado sobre Discapacidade, a través do Centro de Normalización Lingüística da Lingua de Signos española, asinaron un convenio de colaboración que ten por obxectivo dar a coñecer a lingua de signos española e a súa cultura.
Fonte: Discapnet
O 82 % dos casos de discriminación do catalán procede da Administración central
O 82 % dos 40 casos de discriminación lingüística rexistrados entre 2007 e 2013 en territorios de fala catalá produciuse en organismos ou institucións dependentes da Administración central -33 casos- , un 15 % da autonómica –seis casos-, e o 2,5 % da local –un feito ocorrido no Concello de Dènia.
Fonte: Ecodiario
O Congreso rexeita o recoñecemento da lingua asturiana no Dicionario da Real Academia Española
A Comisión de Cultura do Congreso rexeitou a proposición non de lei que lle pedía ao Goberno solicitar á Real Academia da Lingua Española o recoñecemento da lingua asturiana no seu dicionario.
Fonte: ABC
A Generalitat de Cataluña e o Goberno vasco colaborarán en materia de documentación especializada en lingua
O Departamento de Cultura da Generalitat de Cataluña e o Departamento de Educación, Política Lingüística e Cultura do Goberno vasco asinaron un convenio de colaboración entre os seus centros de documentación especializados en aspectos sociais da lingua, considerados os máis importantes de toda Europa: o Centro de Documentación, da Dirección Xeral de Política Lingüística, por parte catalá, e HABE Liburutegia, por parte vasca.
Fonte: Generalitat de Cataluña
Os alumnos de ESO e Bacharelato poderán estudar lingua de signos ou braille
O Goberno publicará un Real Decreto para incluír nos currículos de ESO e Bacharelato a posibilidade de que os centros escolares ofrezan a materia de Lingua de signos ou braille ou outras materias relacionadas coa comunicación e integración das persoas con discapacidade nestas etapas educativas.
Fonte: RTVE
Boletín
Subscríbase ao boletín
