Xeral
Propoñen a creación dunha comisión conxunta para coordinar as políticas lingüísticas en Euskadi, Navarra e País Vasco francés
EH Bildu propuxo a creación dunha comisión conxunta entre diversas institucións de Navarra, Euskadi e País Vasco francés para a coordinación e o fomento de políticas lingüísticas que impulsen a normalización do éuscaro.
Fonte: Diario de Navarra
O Senado reclama que o Instituto Cervantes se encargue de todas as linguas oficiais de España
O ministro de Educación, Cultura e Deporte explicou que o Instituto Cervantes debe ocuparse de todas as linguas oficiais, ante a reclamación dun senador que pediu que esta institución atendese a realidade plurilingüe do Estado español.
Fonte: El Español
O Goberno español aprobou en 2015 un total de 101 regulacións que priorizaban o castelán
Segundo un informe, durante o período de tempo que estivo en funcións, o Goberno español aprobou 52 medidas que establecían a lingua española como requisito obrigatorio en trámites e xestións da cidadanía en ámbitos como a documentación, o dereito de información, o ensino, a etiquetaxe, a solicitude de bolsas etc.
Fonte: La Vanguardia
A Fundación do Español Urxente escolle "populismo" como palabra do ano 2016
O equipo da Fundación do Español Urxente seleccionou este ano "populismo", unha palabra orixinalmente neutra que se foi enchendo de connotacións ata converterse nunha arma no debate político.
Fonte: Fundéu
Un proxecto busca o desenvolvemento da cooperación transfronteiriza e a transferencia de coñecemento en tecnoloxías da lingua
Forman parte do proxecto Linguatec organizacións vinculadas ao aragonés, o éuscaro e o occitano, como linguas pirenaicas, así como o catalán, o castelán e o francés, que se unen para desenvolver novas tecnoloxías relacionadas coa lingua e o turismo.
Fonte: AraInfo
Segundo un estudo, só un 11% da poboación española está estudando unha lingua estranxeira
Segundo datos do Barómetro do Centro de Investigacións Sociolóxicas, só un de cada dez maiores de 18 anos estuda unha lingua estranxeira. Deles, a maioría (77,9%) está aprendendo inglés, lingua á que seguen, a moita distancia, o francés (11%) e o alemán (7,8%).
Fonte: 20minutos
O Dicionario da RAE xa está dispoñible nunha aplicación descargable para usarse sen conexión a internet
Unha nova aplicación permitirá descargar a última edición do Diccionario de la lengua española (DLE) da RAE. Ademais, pode accederse sen conexión a internet e está dispoñible para Apple e Android.
Fonte: RAE
O Estado español deberá decidir se catalán e valenciano son a mesma lingua
O avogado Joan Vall iniciou un proceso que levou a Tribunal Superior de Xustiza de Madrid a pedirlle ao Estado que decida se catalán e valenciano son ou non a mesma lingua.
Fonte: El Nacional
Galego, catalán e éuscaro teñen unha presenza marxinal nas páxinas web de Moncloa e das Cortes
Nas webs das principais institucións do Estado español, galego, éuscaro e catalán teñen unha presenza residual, ademais de conter erros lingüísticos abundantes.
Fonte: Noticias de Gipuzkoa
Unha proposición de lei recollerá a posibilidade de dirixirse ao Estado en catalán, éuscaro e galego
O PSOE e o PSC teñen previsto presentar unha proposición de lei orgánica que permitiría utilizar o galego, o catalán e o éuscaro nas comunicacións ante os poderes públicos estatais, e que obrigaría a que as webs da Administración Xeral do Estado estean dispoñibles integramente nestas linguas.
Fonte: El Periódico
Boletín
Subscríbase ao boletín
