O Consello das Linguas Oficiais na Administración Xeral do Estado, creado en 2007, reunirase por vez primeira desde o ano 2010 para analizar un informe sobre o grao de cumprimento do uso das linguas cooficiais na Administración Xeral do Estado e os seus organismos adscritos.

Fonte: Galicia Confidencial

O ministro de Fomento sinalou que o seu departamento está a traballar coas comunidades autónomas con linguas cooficiais para actualizar a toponimia da web do Instituto Xeográfico Nacional e dos buscadores derivados.

Fonte: Noticias de Gipuzkoa

Despois de comunicar o desexo de conseguir unha plena accesibilidade nas linguas cooficiais das páxinas web dos departamentos ministeriais e organismos públicos da Administración Xeral do Estado, agora o Goberno español aclara que dependerá das dispoñibilidades orzamentarias.

Fonte: Galicia Confidencial

A nova canle, Bon Dia Televisió, nace grazas ao acordo das televisións autonómicas do arquipélago balear, IB3, e de Cataluña, TV3.

Fonte: Mallorca Diario

A Comisión de Cultura do Congreso emprazou o Goberno a asumir a Carta Europea das Linguas Rexionais ou Minoritarias e promover as linguas cooficiais nos ámbitos da xustiza, do ensino, dos medios de comunicación e da Administración Xeral do Estado.

Fonte: Galicia Confidencial

Os ministros de Asuntos Exteriores de ambos os países mostraron en Madrid a súa vontade de aumentar a colaboración para potenciar a afirmación do español e o portugués a nivel mundial.

Fonte: Expresso

Este proxecto ten como finalidade proporcionarlles aos investigadores, docentes e persoas interesadas recursos para a investigación lingüística e a formación.

Fonte: El Periódico

Os gobernos do País Vasco e Navarra, xunto co Organismo Público do Éuscaro de Iparralde, asinarán un convenio para promover o éuscaro, que recolle que a colaboración se levará a cabo en eidos como a educación e a capacidade lingüística, a investigación sociolingüística ou en áreas para desenvolver a política lingüística no ámbito europeo.

Fonte: Expansión

Os gobernos do País Vasco e Navarra e a Oficina Pública do Éuscaro de Iparralde, asinaron un acordo para fomentar o uso do éuscaro nestes territorios. O convenio non recolle achegas económicas e especifica cinco ámbitos de colaboración en aspectos como a formación, fomento, avaliación e reflexión en relación coa lingua vasca.

Fonte: El Diario

Segundo a VI Enquisa Sociolingüística, o éuscaro adquiriu 223 000 falantes desde o ano 1991 en todo o territorio desta lingua (País Vasco, Navarra e País Vasco francés). Para chegar a estes resultados, a enquisa analizou catro aspectos: o uso, a competencia lingüística, a transmisión lingüística e a actitude respecto á promoción da lingua.

Fonte: EiTB